قازاقستان رەسپۋبليكاسىنىڭ تۇڭعىش پرەزيدەنتى كۇنى قارساڭىندا، 2018 جىلعى  28-29 قاراشا كۇندەرى شىعىس قازاقستان وبلىسىنىڭ وسكەمەن قالاسىندا العاش رەت «Digital East – بولاشاققا قادام» حالىقارالىق IT-فورۋمى وتەدى.

اتالعان ءىس-شارا «رۋحاني جاڭعىرۋ» باعدارلاماسى مەن «سيفرلى قازاقستان» مەملەكەتتىك باعدارلاماسىن ىسكە اسىرۋ اياسىندا وتكىزىلەدى.

فورۋمنىڭ نەگىزگى ماقساتى – ەلباسىنىڭ 2018 جىلعى               5 قازانداعى  «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» جولداۋىنداعى باستى مىندەت - حالىقتىڭ ءومىر ساپاسىن ارتتىرۋعا باعىتتالعان، ۇزدىك IT-شەشىمدەردى انىقتاۋ جانە قولداۋ.

بۇگىنگى تاڭدا كونكۋرسقا قاتىسۋ تۋرالى 35 كومپانيادان 50 ءوتىنىم جانە 14 Start-up ازىرلەمە ءتۇستى. ۇيىمداستىرۋ كوميتەتى وتىنىمدەردى قابىلداۋ مەرزىمىن 2018 جىلعى 15 قاراشاعا دەيىن ۇزارتتى.

كونكۋرسقا قاتىسۋ تۋرالى ءوتىنىمدى بەينەبايانداردى كوسا ۇسىنۋ ارقىلى، مىنا مەكەنجايعا جولداۋعا بولادى: وسكەمەن قالاسى، قازاقستان كوشەسى، 59/1 ءۇي، 2-قابات، تەل. 8(7232) 60-62-93، ەلەكتروندىق پوشتا: kgucit@digitaleast.kz.

 فورۋم قورىتىندىسى بويىنشا ۇزدىك IT-شەشىمدەر سالاسىندا ءتۇرلى نوميناسيالار بويىنشا 10 جەڭىمپاز شىعىس قازاقستان وبلىسى اۋماعىندا ءوز جوبالارىن ازىرلەپ، ەنگىزۋ ءۇشىن ارنايى گرانتتارمەن ماراپاتتالادى.

تىركەۋ فورماسىن 2018.digitaleast.kz. سايتىندا تولتىرۋعا بولادى.