مالايزيانىڭ جەمقورلىققا قارسى باسقارماسى ەل پرەمەر-مينيسترىنىڭ جۇبايىن تىنتۋدە دەپ حابارلايدى الەمدىك ب ا ق.
پرەمەر-مينيستردىڭ ايەلىنىڭ قۇنى $6،5 ملن-عا باعالانعان جۇزىگى كوپشىلىكتىڭ نازارىن اۋدارتتى. بۇل قىمبات جۇزىكتى ءبىرىنشى بولىپ وپپوزيسيا وكىلدەرى كورىپ قويعان.
پرەمەردىڭ جۇبايى بولسا، بۇل ساقينا جاقىندا تۇرمىسقا شىققان قىزىنىڭ قايىن جۇرتىنا تيەسىلى ەكەنىن ايتىپ اقتالۋدا. ياعني، بۇل ساقينانى وعان قازاق قۇدالارى سىيعا تارتقان بولۋى مۇمكىن.
ەسكە سالا كەتەيىك، جاقىندا قازاقستاندىق دانيار كەسىكبايەۆ پەن مالايزيا پرەمەر-مينيسترىنىڭ قىزى نۋريانا نادجۆە شاڭىراق كوتەرگەن بولاتىن.
دانيار كەسىكبايەۆ – نۇرسۇلتان نازاربايەۆتىڭ ءىنىسىنىڭ وگەي بالاسى. ەكى جاس اقش-تا وقىپ جۇرگەندە تانىسقان. ولار 2011 جىلدان بەرى كەزدەسىپ ءجۇر ەكەن.
