سۋ تاسقىنى تۋرالى. قينالىپ جاتقان قانداستارىمىزدى اللا قولداسىن! بيلىكتىڭ ەسەبىنە قۇلاق اسساق، ءبارى تاماشا ەكەن. ەسەپتەرىنە قاراساڭ، سول سۋ تاسىماعان دا سياقتى! ال كەيبىر ب ا ق پەن وسى فب-داعى ازاماتتاردى تىڭداساق، جاعداي ءتىپتى دە ءماز. مەنىڭشە، ەكى نارسەنى ۇعىپ الساق ەل بولىپ. تابيعي اپات سەكىلدى توسىن جايتتاردى ءجونسىز ساياساتتاندىرۋدى، ياعني، ءوز قىزمەتتەرىنىڭ بابىندا پايدالانۋدى دوعارۋ كەرەك! بولعان ءىس بولدى، "پرەزيدەنتكە جامان جاعىمىزدان كورىنىپ قالارمىز، ونىڭ سايلاۋالدى كوڭىل-كۇيىنە كىربىڭ تۇسىرسەك، تاياق جەرمىز" دەگەن لوگيكانى قويىپ، كەرىسىنشە، ەلگە دە، جوعارعى جاققا دا شىندىقتى ايتىپ، ۇكىمەتتەن ودان مول قارجى سۇراپ، ونىڭ ۇستىنە قوعامدى دا كومەككە تارتۋ كەرەك ەمەس پە؟ وسىنى قاشان ۇعىنادى ولار؟ ەكىنشى ماسەلە مىنادا. الدىن-الا بولجاۋعا، سۋ دەڭگەيىنە مونيتورينگ جاساۋعا ءتيىس تجم سەكىلدى جاۋاپتى مەكەمەلەر قايدا؟ باسقاسىن ايتپاعاندا، "ەل قۇلاعى - ەلۋ"، سول اكىمدەر دە سول اۋىلداردا تۇرماي ما؟ "سۋدىڭ رايى قيىن" دەگەن جۇرتتىڭ ءسوزىن ەستىمەگەن بە؟ كوزدەرى سوقىر، قۇلاقتارى كەرەڭ بوپ قالعان با؟ بولاشاقتا وسى جايتتەر قايتالانباس ءۇشىن وسى ەكى ماسەلەنى شەشىپ الۋىمىز قاجەت! ايتپەسە، كەلەسى جىلى دا قار جاۋادى، ول ەريدى، سۋ تاسيدى دەگەندەي!

ءامىرجان قوسانوۆ، Facebook پاراقشاسىنان