ەلباسى نۇرسۇلتان نازاربايەۆ پەن تۇركيا پرەزيدەنتى رەدجەپ تايىپ ەردوعان تۇركىستان قالاسىنداعى جاڭا مەشىتكە باردى.

بۇل تۋرالى اقوردانىڭ تۆيتتەردەگى پاراقشاسىندا حابارلادى دەپ جازادى قازاقپارات.

باۋىرلاس قوس ەلدىڭ باسشىلارى مەشىتتىڭ سالىنۋى جايىنداعى كەلىسىمگە 2000 جىلى، تۇركىستان قالاسىنىڭ 1500 جىلدىعىن تويلاۋ كەزىندە قول قويعان.

اۋماعى 2 گەكتار جەردى قۇرايتىن مەشىتتىڭ قۇرىلىسىن تۇركيا ەلى قارجىلاندىردى. مەشىتتىڭ مۇنارالارىنىڭ بيىكتىگى 33، ال كۇمبەزىنىڭ بيىكتىگى 31 مەتردى قۇرايدى.

سونداي-اق، جاڭا مەشىت 2 قاباتتى جانە 600 شارشى مەتر جابىق الاڭى بار. سىرتىندا ناماز وقيتىن ورنى، تومەنگى قاباتتا مادەنيەت ورتالىعى، ءبىرىنشى قاباتتا 2 ءدارىسحاناسى بار.

قۇلشىلىق ورداسى تۇگەلدەي تۇرىك ەلىنىڭ ءدىن ىستەرى مينيسترلىگىنىڭ قارجىلاي قولداۋىمەن سالىنعان. قۇرىلىس جۇمىستارى 2009-جىلدىڭ 16-قازان كۇنى باستالعان بولاتىن. قۇرىلىس جۇمىستارىنا جالپى مولشەرى 10 ملن اقش دوللارى جۇمسالعان.

مەشىتتە ءبىر ۋاقىتتا 3 000-عا جۋىق ادام قۇلشىلىق جاساي الادى. مەشىت قاسىندا كىتاپحانا جانە زاماناۋي اسحانا زالدارى قاراستىرىلعان. سونداي-اق، ازانشىلار مەن يمامدارعا ارنالعان بولمەلەر بار.