استانا قالاسىندا سەگىزىنشى ازاماتتىق فورۋمدا ەلباسى ءوزىنىڭ جاستىق شاعىن ەسىنە الدى دەپ جازادى Qamshy.kz اقپارات اگەنتتىگى. 

"مەن سوعىستان كەيىن كەدەيشىلىكتى باستان وتكەرگەن قاراپايىم اۋىلدىڭ بالاسىمىن. نە كيەرگە كيىم، ىشەرگە اس بولماعان كۇندەرىمىز كوپ ەدى. 15  جاسقا دەيىن توق بولعان كەزىم ەسىمدە جوق. ءبىراق بۇل جايت مىقتى بولۋعا سەپتىگىن تيگىزۋى مۇمكىن. كەيىن مەن اۋىر دومنا پەشىندە قىزمەت ەتتىم»، دەپ ەلباسى وتكەنىن ەسكە الدى.

♦نۇرسۇلتان نازاربايەۆ: ۇلى دالانىڭ جەتى قىرى

سونىمەن بىرگە ول جاستاردى شىدامدى ءارى ءتوزىمدى بولۋعا شاقىردى.

«سول سەبەپتەن دە قازىرگى جاستار تالماي ەڭبەك ەتۋى كەرەك. مىنا الەم ادىلەتتىلىكتەن عانا تۇرادى دەگەنگە سەنبەۋ كەرەك. كەرىسىنشە، قارسى كەلگەن ادىلەتسىزدىكتى ەڭسەرىپ، جەڭە ءبىلۋ كەرەك»، دەپ نۇرسۇلتان نازاربايەۆ جاستارعا ءوز كەڭەسىن ايتتى.

ق ر پرەزيدەنتى ءسوز اراسىندا دجون كەننەديدىڭ «بيلىك ماعان نە ىستەي الادى دەپ ەمەس، مەن ەلىم ءۇشىن، بالا-شاعام ءۇشىن نە ىستەي الامىن دەپ ويلانۋ كەرەك» دەگەن سيتاتاسىن تىلگە تيەك ەتتى.