امەريكانىڭ سولتۇستىك شىعىسىنداعى وگايو شتاتىندا «پرەزيدەنت ايەلدەرىنىڭ عىلىمي زەرتتەۋ ورتالىعى» دەپ اتالاتىن مەكەمە بار. بۇندا اقش تاريحىنداعى پرەزيدەنت ايەلدەرىنە قاتىستى بارلىق مالىمەت ساقتاۋلى. بۇل مەكەمەنىڭ ورتالىق كىتاپحاناسىندا رۋزۆەلت، پوك، رەگان، كارتەردەن باستاپ كلينتون مەن قوس بۋشتىڭ ايەلدەرى پايدالانعان 6400 –گە جۋىق جازبالار ساقتالعان. اتاقتى ادامداردىڭ اياق كيىمىنە دەيىن اۋكسيونعا قوياتىن امەريكاندىقتار پرەزيدەنت ايەلدەرىنىڭ كيىمدەرىن تۇگەندەۋدى دە ۇمىتپاپتى. اتالعان ورتالىقتىڭ قۇرامىندا مۇراجاي بار. وندا ءبىرىنشى حانىمداردىڭ كيگەن كويلەكتەرى «تاريحي قۇندى مۇرا» رەتىندە كورمەگە قويىلعان. № 42 پرەزيدەنت كلينتون مەن № 43 –ءشى دجوردج بۋشتى بىلاي قويعاندا اقش تىڭ 11ء-شى باسشىسى پوكتىڭ، 32ء-شى پرەزيدەنت رۋزۆەلدتىڭ ايەلدەرى كيگەن كويلەكتەردى كورۋگە بولادى. بۇندا تۇرعان 150 كويلەكتىڭ ءارقايسىسىنىڭ تاريحى بار. مىسالى، باربارا بۋش قىزىل كويلەگىن قانداي جاعدايلاردا، قاشان، قاي كۇنى كيگەندىگىنە دەيىن تاپتىشتەپ جازىلعان. قىسقاسى ءار كويلەكتىڭ پاسپورتى بار. بۇل مۇراجايدا «قىزىل كويلەكتەر كوللەكسياسى» دەگەن كورمە جۇمىس ىستەپتى. توعىز ايعا سوزىلاتىن كورمەگە ءبىرىڭعاي قىزىل كيىمدەر قويىلىپتى. اقش-تىڭ قازىرگى پرەزيدەنتىنىڭ ايەلى ميشەل وبامانىڭ كيىمدەرىنە دە مۇراجاي قىزمەتكەرلەرى ارنايى ورىن دايىنداپ جاتقان كورىنەدى.

شارافات جىلقىبايەۆا