استانادا اتاۋلى الەۋمەتتىك كومەك الاتىن تۇرعىندارعا 10 822 تەڭگەدەن بەرىلەدى دەپ جازادى Qamshy.kz اقپارات اگەنتتىگى استانا  اكىمدىگىنىڭ رەسمي سايتىنا سىلتەمە  جاساي وتىرىپ. 

1 جەلتوقسان قارساڭىندا حالىقتىڭ الەۋمەتتىك ءالسىز توپتارىنا جاتاتىن قالالىقتارعا الەۋمەتتىك تولەمدەر بەرىلەدى، دەپ حابارلايدى استانا اكىمدىگىنىڭ رەسمي سايتى. جاردەماقى اتاۋلى الەۋمەتتىك كومەكتى الاتىن استانالىقتارعا بەرىلەدى. بۇل ساناتقا جان باسىنا شاققانداعى ورتاشا تابىستارى كەدەيلىك شەگىنەن تومەن ازاماتتار كىرەدى. ول كۇنكورىس مينيمۋمىنىڭ 50 %-ىن قۇرايدى. استانا قالاسىنىڭ الماتى اۋداندىق جۇمىسپەن قامتۋ جانە الەۋمەتتىك قورعاۋ باسقارماسىنىڭ الەۋمەتتىك تولەمدەر تاعايىنداۋ ءبولىمىنىڭ باسشىسى يننا فيلارەتوۆانىڭ ايتۋىنشا، ەلورداداعى كەدەيلىك شەگى - 16 497 تەڭگە. جاعدايى وسى دەڭگەيدەن تومەن ادامدار جان باسىنا شاققانداعى ورتاشا تابىس پەن كەدەيلىك شەگىنىڭ ايىرماسى كولەمىندە وتباسىنىڭ ءار مۇشەسىنە تولەنەتىن قوسىمشا تولەمدى الۋعا قۇقى بار.  اتاۋلى الەۋمەتتىك كومەكتى الۋشىلارعا ارنالعان الەۋمەتتىك جاردەماقىنىڭ مولشەرى 4،5 اەك قۇرايدى.