قازاقستان پرەزيدەنتى نازاربايەۆ زياتكەرلىك مەكتەپتەرىنىڭ 2068 جىلعى تۇلەكتەرىنە امانات حات جازىپ قالدىردى، دەپ حابارلايدى Qamshy.kz اقپارات اگەنتتىگى Sputnik قازاقستان  سايتىنىڭ دەرەگىن نەگىزگە الىپ. 

بۇگىن استانادا "نازاربايەۆ زياتكەرلىك مەكتەپتەرى" دەربەس ءبىلىم بەرۋ ۇيىمىنىڭ 10 جىلدىعىنا ارنالعان "ۇلى دالا مۇراگەرلەرى" وقۋشىلار مەن پەداگوگتاردىڭ فورۋمى ءوتتى. قازاقستان پرەزيدەنتى زياتكەرلىك مەكتەپتەردىڭ ۇستازدارى مەن وقۋشىلارىن مەرەيتويمەن قۇتتىقتاپ كەلدى. فورۋم بارىسىندا وقۋشىلار العاشقى زياتكەرلىك مەكتەپكە ۋاقىت كاپسۋلاسىن تابىس ەتكىسى كەلەتىنىن ايتىپ، مەملەكەت باسشىسىنان نازاربايەۆ زياتكەرلىك مەكتەپتەرىنىڭ 2068 جىلعى تۇلەكتەرىنە امانات حات جازىپ قالدىرۋدى ءوتىندى. 

"قازاقتا "ەلۋ جىلدا ەل جاڭا" دەگەن ءسوز بار. ول كەزدە سەندەر ءالى جاس بولاسىڭدار، جاڭا تەحنولوگيالار ومىرگە كەلەدى، ادامدار 100، 120 جىل جاسايتىن بولادى. سوندىقتان، قۇداي بۇيىرتسا، سەندەر ول كەزدى كورەسىڭدەر. سوندا مەن جازعان مىنا حاتتى اشىپ، وقيسىڭدار"، — دەدى نازاربايەۆ.