جاقىندا ءال-فارابي اتىنداعى قازاق ۇلتتىق ۋنيۆەرسيتەتىنىڭ جوو-عا دەيىنگى دايىندىق فاكۋلتەتىندە كاسىپقوي بوكسشى قانات يسلاممەن كەزدەسۋ ءوتتى. دايىندىق فاكۋلتەت ۇستازدارى پروفەسسور ناۋحان اسانوۆ پەن ف.ع.ك نۇرگۇل الدابەك كەشتىڭ تىزگىنىن ۇستادى.
بۇل فاكۋلتەت نەگىزىنەن شەتەل قازاقتارىن، ونىڭ ىشىندە اتاجۇرتقا العاش كەلگەن جاستاردى بىلىمگە باۋليدى. «قارا شاڭىراق» قازۇۋ-دىڭ مارتەبەسىن اسقاتاتىپ تۇرعان فاكۋلتەت سوڭعى جىلدارى اۋعانستان جاستارىن دا وقىتا باستاعان.
ايتا كەتەرلىگى، مەملەكەت باسشىسى نۇرسۇلتان نازاربايەۆتىڭ «نۇرلى كوشىنىڭ» ارقاسىندا وتاندارىنا جاڭا ورالىپ جاتقان جاس تۇلەكتەردى باۋىرعا باسىپ، ولاردىڭ جۇيەلى ءبىلىم الۋىنا جاعداي جاساۋ – قازاق ەلىنىڭ ابىرويىن اسقاقتاتاتىن ۇلى جۇمىس. جات جۇرتتا تۋىلىپ، وزگە مەملەكەتتىڭ «تارتىبىمەن» قالىپتاسقان جاستاردى ەلگە، جەرگە بەيىمدەۋدە ۇستازداردىڭ دا ەڭبەگى ۇشان-تەڭىز. الەم قازاقتارىنىڭ جارىق جۇلدىزى قانات يسلامدى كەزدەسۋگە شاقىرىپ، القالى جيىن وتكىزۋ – سونىڭ ءبىر ايعاعى.
كەزدەسۋ ەركىن فورماتتا، اسا جوعارى دەڭگەيدە ءوتتى. اسىرەسە، باسقا ۋنيۆەرسيتەتتەردەن كەلىپ، ويلارىن ايتىپ، پىكىر الماسقان جاستاردىڭ كوپتىگى قۋانتتى. قانات مىرزا سوڭىنان ەرىپ كەلە جاتقان ءىنى-قارىنداستارىن ەڭبەككەرلىككە، وتانسۇيگىشتىككە شاقىردى. كەش سوڭىندا دايىندىق فاكۋلتەت تۇلەكتەرىدە ءوز ونەرلەرىن كورسەتىپ، اعالارىنا سىي جاسادى. اقىندار ولەڭ وقىپ، جاس ونەرپازدار ءان شىرقادى. فاكۋلتەت ۇستازدارى مەن شاكىرتتەر وسى كەزدەسۋگە مۇرىندىق بولعان «قامشى» پورتالىنا ريزاشىلىقتارىن ءبىلدىردى.
ايان امانعالي
