تانىمال ايتىسكەر اقىن بالعىنبەك يماش قوعامداعى وزەكتى ماسەلەرگە بايلانىستى پىكىر الەۋمەتتىك جەلى ارقىلى پىكىر ءبىلدىردى. ايتىسكەر اقىننىڭ ايتۋى بويىنشا، سوڭعى ۋاقىتتا وعان ارىزدانۋشىلاردىڭ سانى كوبەيگەن. ول جارتىلاي جالاڭاش قىزداردىڭ كوبەيۋىنە ەركەكتەردى كىنالادى دەپ جازادى Qamshy.kz اقپارات اگەنتتىگى.
"سوڭعى كۇندەرى جەكەمە شىعىپ ارىز ايتۋشىلار كوبەيىپ كەتتى. وسى ءبىز كىم بولىپ بارامىز؟ ار ۇياتتان بەزگەن ارۋ قىزدارىمىز اناۋ، مۇشەقاپ تاراتقىش مينيسترلىگىمىز مىناۋ... كىم كىنالى؟
ارينە، ءبىز ءوزىمىز! ەركەكتەر كىنالىمىز. بالاسىن اجەتحاناعا، قوقىسقا، كوشەگە تاستاعان قىزداردى سوگەمىز، ال ونىڭ اياعىن اۋىر قىلعان جىگىتتەردى شە؟ اراق ىشكەن، شىلىم شەككەن، جالاڭاشتانعان، بوقتاپ سويلەيتىن، ۇلتىن قورلايتىن، ارىن ساتاتىن قىزدىڭ ءبارى جەتىم بە؟ اتا قايدا، اكە قايدا، اعا مەن ءىنى، ناعاشى مەن جيەن قايدا؟ نەگە قامقور بولمايدى؟ نەگە تىيىم سالمايدى؟ جەتىم بولسا تۋىسى قايدا، ءتىرى جەتىم بولسا اكەسى نەگە تاستايدى؟ ماعان كوپ ايەلدەر كومەك سۇراپ حابارلاسادى. كۇيەۋىڭىز قايدا دەسەم، تاستاپ كەتكەن دەيدى. ءۇش، ءتورت، بەس، التى بالاسىمەن تاستاپ كەتكەن، مۇگەدەك بالاسىمەن تاستاپ كەتكەن، كىلەڭ قىز تۋدىڭ دەپ تاستاپ كەتكەن، ەششو كرەديت العىزىپ تاستاپ كەتكەن كۇيەۋلەر بار ەكەن. ءوزىمىزدىڭ قازاقتىڭ جىگىتتەرى! جىگىت دەۋگە بولا ما وندايلاردى؟
نەگە وسىنشالىق رۋحاني قۇلدىرادىق؟ ايجان قايدان شىقتى؟ شىرىن قايدان شىقتى؟ قازاقتىڭ قىزدارى عوي، ءوز قارىنداستارىمىز، ءوز قىزدارىمىز ەمەس پە؟ ءيا، نامىستى بوپ كورىنىپ، ۇياتسىز، وڭباعان دەپ قارعاپ-سىلەۋ، پىكىر جازۋ وڭاي. ال سونى تاماشالاپ، پاراقشاسىنا جازىلىپ، لايك باسىپ، سىلەكەيى شۇبىرىپ "قولىمىزعا ءبىر تۇسسەڭ" دەپ ءناپسىسى قوزىپ وتىرعان كىمدەر ەكەن؟ ءوزىمىزدىڭ وتانداستار عوي! 100 مىڭنان استام ادام جازىلىپ السا، ولار كىنالى ەمەس پە؟ سۇرانىس سولاردان عوي.
ەسى دۇرىس، ەستى ەركەكتەر بولسا اۋەلى ءوزىمىزدى تيالىق، سوسىن كوزىمىزدى تيالىق، سوسىن وزگەنى جەردەن الىپ، جەرگە سالعان ءسوزىمىزدى تيالىق. سوسىن اپكە-قارىنداس، ايەلدەرىمىزدى، قىزدارىمىزدى، ءاربىر قاراكوزدەرىمىزدى قىزعانىپ، قورعايىق. سىرتىنان دۇعا جاسايىق! ەركەگى نامىستى ەلدىڭ، ايەلى ارسىزدىق جاسامايدى. ويان، قازاق! ويلان، قازاق!"، - دەپ جازادى بالعىنبەك يماش.
