ءالي وقاپوۆ قايرات نۇرتاستىڭ الدىن وراپ، EMA 2013 ەۋرازيالىق مۋزىكا پرەمياسىنىڭ “ەر كىسىلەر اراسىندا ۇزدىك ورىنداۋشى” اتاعىن جەڭگەن بولاتىن. الايدا، ءانشى gonzo.kz سايتىنداعى سۇحباتىندا قايرات نۇرتاسقا باسەكەلەس بولا المايتىنىن جاسىرمادى.
“مەن “ۇزدىك ءان”، “ۇزدىك بەينەكليپ” جانە “ۇزدىك ورىنداۋشى” نوميناسيالارىنان “العا” بەينەكليپىممەن “ۇزدىك بەينەكليپ” نوميناسياسىن جەڭۋگە ءۇمىتتى بولدىم. كليپكە مەنىڭ دوستارىم – سەرىك ساپييەۆ، اسىلحان تولەپوۆ ءتۇستى. مونتاجعا “567 Production” ستۋدياسى جاۋاپتى بولدى. ال “ۇزدىك ورىنداۋشى” نوميناسياسى ماعان بۇيىراتىنىن مەن كۇتپەگەن ەدىم. ءبارى قايرات نۇرتاستى جاقسى بىلەدى. مەن ءوزىمدى وعان تانىمالدىلىق جاعىنان باسەكەلەس سانامايمىن. قايراتتىڭ جانكۇيەرلەرى اتاق ماعان بەرىلگەندى قالاي قابىلدايتىنىن ءبىلدىم. ولار “ساتىپ الدى، ءالي ءبىزدىڭ قايراتپەن سالىستىرۋعا دا كەلمەيدى” دەپ شىعادى. بۇل اتاققا بارىنشا لايىقتى بولۋعا تىرىسىپ باعامىن” – دەيدى ءانشى.
ءانشى ءوزىن قوس تىلدە دە ساۋاتتى سويلەيتىن، ءداستۇرىن قۇرمەتتەيتىن “ەۋروازياتتار” قاتارىنان سانايدى ەكەن. وقاپوۆ كوممەرسيالىق اندەر جازباسا دا، توي بيزنەستى جاقسى تابىس كوزى سانايدى. ول سۇحبات بارىسىندا قانداي تۇستەر مەن ءستيلدى ۇناتاتىنىن جاريا ەتتى.
“مەن ەڭ باستىسى كيىمنىڭ ىڭعايلى بولۋىنا ءمان بەرەمىن. جاقسى كورەتىن ءتۇسىم – قارا. نەگىزىنەن سنيكەرستەر (كروسسوۆكا) كيەمىن. جارقىن تۇستەردى سيرەك قولدانامىن، سالقىن تۇستەردە كيىنگەندى ءجون سانايمىن”، – دەيدى وقاپوۆ.
ءالي سۇحبات بارىسىندا قورقىنىشتارىنىڭ كوپ ەكەنىن جاسىرمادى.
“مەنىڭ قورقىنىشتارىم كوپ. ەلارناداعى “سىناق” رەاليتي-شوۋىندا ءبىرتالاي قورقىنىشتارىمدى جەڭدىم دەۋگە بولادى. مەن جىلقىدان وزگە بارلىق جانۋارلاردان قورقامىن. ءتىپتى ءۇي جانۋارى بولسىن: مىسىقتاردان مەندە اللەرگيا، ال يتتەر مەنى تالدىقورعاندا بالا كەزىمدە تالاعان بولاتىن. بالىق جەمەيمىن، تاراقانداردى، جاندىكتەردى ۇناتپايمىن”، – دەپ اعىنان جارىلدى ءانشى.
وقاپوۆ تىلشىگە ءانشى بولماعان جاعدايدا كىم بولاتىنىن ايتىپ بەردى.
“مەن ءانشى بولماعان جاعدايدا اسكەرگە بارار ەدىم. كوپشىلىكتىڭ انشىلەر “نازىك جاندى” دەۋلەرىنە كەلىسە المايمىن. ماسەلەن مەن قارۋدان وتە جاقسى اتا الامىن، مەكتەپتە 100 مەتر قاشىقتىققا جۇگىرۋدەن العاشقىسى بولاتىنمىن”، – دەدى ءانشى.
