"نۇر وتان" پارتياسىنىڭ قولداۋىمەن اتىراۋ قالاسىندا جەڭىستىڭ 70 جىلدىعىنا ارنالعان الامان ايتىس ءوز مارەسىنە جەتتى. ايتىستىڭ باس جۇلدەسىن بەلگىلى ايتىسكەر اقىن بولاتبەك ورازبايەۆ قانجىعالادى. ايتىسقا جالپى 24 اقىن قاتىسقان.
ەستەرىڭىزگە سالا كەتەيىك، كوكشەتاۋدا وتكەن «بىرلىك پەن بەرەكەنىڭ جەرۇيىعى» اتتى حالىقارالىق اقىندار ايتىسىندا بولاتبەك مەيىربەك ۇلى ءبىرىنشى ورىن العان بولاتىن.
اتاۋلى ايتىس تۋرالى بولاتبەك ورازبايەۆ: "اسپانبەكپەن ءبىرىنشى كۇنى شىقتىم. اسپانبەك باۋىرىم دا ايانىپ قالعان جوق. ەكىنشى كۇنى بەكارىس شويبەكوۆپەن شىقتىم. بەكەڭ ازۋلى ارىستان عوي. ورازداي دوسىمنىڭ ءىنىسى دەپ مەنى كوتەرمەلەپ وتىردى. اعالىق مىنەز، ناعىز دارابوزعا ساي دەگدارلىق تانىتتى." دەدى.
