وبەيا بولمەسى (جاپون تىلىندە «ۇلكەن بولمە» نەمەسە «اسكەري بولمە»)  بۇل — ءوندىرىستى، زەرتتەۋدى، قوسىمشا بيزنەس-ۇردىستەر مەن باسقارۋدى ۇنەمدى پايدالانۋعا ارنالعان، كوورديناسيا وتكىزەتىن نەمەسە ارنايى شەشىم قابىلداۋعا ارنالعان ورىن. وبەيا بولمەسى كايدزەن جۇيەسىنىڭ نەگىزىندە پايدا بولعان. بۇل ءادىس جاپون ەلىنەن باستاۋ الىپ، قازىرگى تاڭدا كوپتەگەن ەلدىڭ كاسىپتە ۋاقىتتى ءتيىمدى پايدالانۋدىڭ جولىن قاراستىرۋعا ۇلكەن سەپتىگىن تيگىزۋدە. وبەيا بولمەسىنىڭ باستى ماقساتى — وندىرىستىك جوسپاردى ىسكە اسىرۋداعى پروسەستى كوزبەن شولۋ ارقىلى شەشىم تابۋ، سونداي-اق كومپانيا  تۋرالى مالىمەتتەردى ارنايى كورنەكىلىك قۇرالدارى ارقىلى، كوپ ءسوزدى قاجەت ەتپەي ءتۇسىندىرىپ بەرە الۋى كەرەك.  بۇل ءادىستى العاشقى بولىپ پايدالانعانداردىڭ ءبىرى "Toyota" كومپانياسى بولدى.

وبەيا بولمەسىنىڭ باستى شارتى — كومپانياداعى كەز-كەلگەن جوبا نەمەسە وزگەرىستەر مىندەتتى تۇردە ا3 قاعازىنا نەمەسە باسقا دا كورنەكىلىك قۇرالدارىنا جازىلىپ، جوسپارلانۋى كەرەك. بولمەگە كىرگەن مەنەدجەر نەمەسە قىزمەتكەر تالقىلانعالى وتىرعان جوبا نەمەسە وزگەرىس جايىندا سول ا3 ارقىلى ناقتى اقپارات الا ءبىلۋى كەرەك. ناتيجەسىندە، ۇزىن ءسوزدىڭ ورنىنا ۋاقىتتى ءتيىمدى پايدالانۋعا مۇمكىندىك مول بولادى. سونداي-اق، ادام اقپاراتتى  ەستىگەننەن گورى كورۋ ارقىلى تەز جاتتايتىنىن تاعى قوسىڭىز. 

ماسەلەن، فيلوسوف ءارى بيزنەس-جازۋشىسى مايكل باللە فۋتبول كومانداسىنىڭ جەڭىسكە جەتۋى ءۇشىن ارنايى "وبەيا بولمەسى"ءادىسىن قولدانۋدى ۇسىنعان:

بارلىق فۋتبول ويىنشىلارى الاڭعا شىعىپ فۋتبول ويناعىسى كەلەدى. ەگەر باپكەر ولاردى جاقسىلاپ جاتتىقتىراتىن بولسا،  جەڭىسكە جەتەتىنىنە سەنىمدى. دەگەنمەن، بۇل جەڭىسكە قول جەتكىزدىك دەگەن ءسوز ەمەس. فۋتبولدىڭ ماقساتى — ويىنشىلاردىڭ تەك دوپتىڭ ارتىنان جۇگىرۋى ەمەس، كوماندامەن بىرلىكتە جۇمىس جاساي وتىرىپ جەڭىسكە جەتۋ. ول ءۇشىن باس باپكەر ويىننان بۇرىن ءار ويىنشىمەن جەكە جۇمىس جاساۋ كەرەكتىگىن، سونداي-اق، كوماندالىق ستراتەگيانى ويلاستىرۋ كەرەكتىگىن بىلەدى. ويىنشىلار بۇل پروسەستى قابىلداعانىمەن، ويىن كەزىندە ءار ويىنشى ءوز ەركىمەن دوپتى تەبۋگە اسىعادى. ياعني، كوماندالىق ستراتەگيانىڭ جوقتىعىنىڭ سالدارى ولاردىڭ جەڭىلۋىنە اكەپ سوعاتىنىن تۇسىندىرەدى. 

وسى ماسەلەنى شەشۋ ءۇشىن ولار "وبەيا بولمەسى" ءتاسىلىن قولدانۋدى دۇرىس دەپ ەسەپتەيدى. ناتيجەسىندە ءار ويىنشى جەڭىسكە جەتۋ ءۇشىن 1اپتادا ءبىر ويىنشى ا3 قاعازىنا جوسپار قۇرۋ ارقىلى جەڭىسكە جەتۋدىڭ جولىن ءتۇسىندىرۋ كەرەك دەپ شەشەدى. دەمەك، ءار ويىنشى جەڭىسكە جەتۋدەگى ءوز ءايلا-تاسىلىن ا3 قاعازى ارقىلى، باسقا كوماندا مۇشەلەرىنە ءتۇسىندىرىپ، كوماندامەن جۇمىس ىستەۋگە مۇمكىندىگى ارتادى. 

جاڭا ونىمدەر نەمەسە جۇمىستا ورىن الاتىن جاڭا پروسەسسكە بايلانىستى بارلىق كوماندالىق ديرەكتورلار، قىزمەتكەرلەر اعىمداعى جۇمىسقا ارالاسۋى قاجەت. وبەيا بولمەلەرىندە جوسپارلانعان وزگەرىستەردى ورنالاستىرۋ ارقىلى ءبىز كوماندالاردى وزگەرىستەرگە دايىنداۋ ءۇشىن كەدەرگىلەر مەن ناقتى ماسەلەلەر تۋرالى ويلاۋعا كىرىسە الامىز. بۇل جوبا جەتەكشىسىنىڭ ءاتى-جونى، جوبا جوسپارى جانە ماسەلەلەردى تالقىلاۋ ءۇشىن كەڭىستىك رەتىندە سيپاتتالادى. 

سونداي-اق، وبەيا بولمەسىنىڭ كەلەسى قاعيدالارىنىڭ ءبىرى كومپانياعا كەلگەن جۇمىس ىزدەۋشى بولسىن نەمەسە كەز-كەلگەن ىسكەرلىك كەزدەسۋگە كەلگەن ادام ءسىزدىڭ كومپانيا تۋرالى جالپى اقپارات بىلە الۋى كەرەك. ول قانداي اقپارات؟

ماسەلەن، جۇمىس ىزدەۋشى كومپانياعا كەلدى. باسشىمەن كەزدەسۋ ءۇشىن سىرتتا 5-10 مينۋت كۇتىپ قالدى. سول ۋاقىت ارالىعىندا ونىڭ جان-جاعىنداعى اقپاراتتارعا كوزى تۇسەرى ءسوزسىز. سول 5-10 مينۋت ارالىقتا ءسىز ءوز كومپانياڭىزدى تانىتىپ ۇلگەرۋىڭىز كەرەك. وبەيا بولمەسى ءادىسى ارقىلى ءسىز كومپانياڭىزدى ۇزاق اۋىز سوزبەن بايانداپ تۇرماي-اق اقپارات بەرە الاسىز.

ال ەندى ول اقپارات قالاي بولۋى كەرەك، ءسىزدىڭ كومپانياڭىز تۋرالى جاقسى پىكىر قالىپتاسۋى ءۇشىن وبەيا بولمەسى قانداي ۇسىنىستار بەرە الادى؟

بىرىشىدەن، كومپانيانىڭ قاي جىلى قۇرىلعانى نەمەن اينالىساتىنى تۋرالى اقپارات مىندەتتى تۇردە بولۋى كەرەك. 

ەكىنشى، كومپانيانىڭ جەتىستىكتەرى. قانداي سەرتيفيكاتتارعا يە، قانداي جۇلدەلەرگە يە بولدى دەگەندەي. كومپانيانىڭ جەتىستىگى كوپ بولعان سايىن ادامداردىڭ ءسىزدىڭ كومپانياڭىزعا دەگەن سەنىمى ارتادى. سوندىقتان، جەتىستىكتىكتەردىڭ دە وينايتىن ءرولى زور.

ءۇشىنشى، ءسىزدىڭ كومپانياڭىزدا جەتىستىككە جەتكەن بىرەگەي قىزمەتكەرلەر كىمدەر؟ بۇل ارقىلى ءسىز، بىرىنشىدەن، ءوز قىزمەتكەرلەرىڭىزدى ماداقتاۋ ارقىلى ولاردى ىنتالاندىراتىن بولساڭىز، ەكىنشى جاعىنان سىرتتان كەلگەن ادامدار كومپانيا قىزمەتكەرلەرى جايىندا دا اقپارات الا الادى.

 ءسىز دە وبەيا بولمەسى ارقىلى ۋاقىتىڭىزدى ءتيىمدى پايدالانىڭىز!