استانادا «جوعارى تەحنولوگيالىق ساۋلەمەن ەمدەۋ تەراپياسىنىڭ وزەكتى ماسەلەلەرى» اتتى حالىقارالىق عىلىمي-تاجىريبەلىك كونفەرەنسيا ءوتىپ جاتىر. كونفەرەنسياعا وتاندىق ونكولوگ، راديولوگتار، مەديسينا قىزمەتكەرلەرى جانە ارنايى شەتەلدەن كەلگەن ساراپشىلار قاتىستى. ولار قازاقستاندىق ماماندارمەن تاجىريبە بولىسۋدە. سونداي-اق، جيىن بارىسىندا ونكولوگيالىق كومەكتى ارتتىرۋدىڭ 2016-2020 جىلدارعا ارنالعان «سالاماتتى قازاقستان» باعدارلاماسىنىڭ جوباسىن تانىستىردى.
بۇل جيىننىڭ نەگىزگى ماقساتى – مەديسينالىق قىزمەتكەرلەردى مەملەكەت قارجىسىنا ساتىپ الىنعان جوعارى تەحنولوگيالىق ساۋلەمەن ەمدەۋ اپپاراتىمەن جۇمىس ىستەۋدى ۇيرەتۋ، تاجىريبە الماسۋ الاڭىن قالىپتاستىرۋ. باستىسى مامانداردىڭ كاسىبي دەڭگەيىن كوتەرۋ بولىپ سانالادى. سەبەبى، بىلىكتى دارىگەر عانا ناۋقاسقا تولىققاندى تۇردە كومەكتەسە الادى. ايتا كەتەيىك، ەلىمىزدە 4 جوعارى تەحنولوگيالىق جىلدامداتقىش استانا، اقتوبە، سەمەي، الماتى قالالارىندا ورنالاسقان. وعان قوسا، 7 ستاندارتتىق قۇرىلىمداعى جىلدامداتقىشتار استانا، قاراعاندى، الماتى، وسكەمەن، ورال قالالارىندا بار.
وتاندىق ونكولوگيا مەملەكەتتىك قولداۋدىڭ ارقاسىندا قاتەرلى ىسىكپەن كۇرەسۋدىڭ جاڭا دەڭگەيىنە كوتەرىلدى. مەملەكەت ساتىپ العان «TrueBeam» جوعارى تەحنولوگيالىق جەلىلىك جىلدامداتقىشى ەكىولشەمدى ساۋلەلى تەراپيانىڭ ۇشولشەمدى كونفورمالدىق تۇرىنە وتۋگە مۇمكىندىك بەردى. بۇل ساۋلەلى ەمدەۋ تەراپياسىندا ەڭ ۇلكەن جەتىستىك، وزگەرىس رەتىندە باعالاندى. وسى تۇستا مەديسينالىق تەحنولوگيالار مەن جۇيەنى بەس ساۋساعىنداي بىلەتىن كاسىبي ماماندار ۇلكەن ماڭىزعا يە. سوندىقتان، شەتەلدىك ماماندارمەن تىعىز قارىم-قاتىناس ورناتۋ باستى ورىنعا قويىلدى. بۇگىنگى باس قوسۋدا شەتەلدىك ساراپشىلار قازاقستاندىق راديولوگتارعا ءدارىس وقىپ، ارنايى ساباقتار وتكىزدى. سونداي-اق، شەتەلدىك قوناقتار جوعارى تەحنولوگيالىق اپپاراتتار تۋرالى ءبىلىمىن دە ورتاعا سالادى. ءىس جۇزىندە جەلىلىك اپپاراتتارمەن قالاي جۇمىس ىستەۋ كەرەگىن كورسەتەدى.
كونفەرەنسياعا قاتىسقان ق ر دەنساۋلىق ساقتاۋ جانە الەۋمەتتىك دامۋ مينيسترلىگى مەديسينالىق كومەكتى ۇيىمداستىرۋ دەپارتامەنتىنىڭ ديرەكتورى گۇلنار قۇلقايەۆا: «ونكولوگيالىق اۋرۋلار جوعارى دەڭگەيدە تۇرعاندىقتان ونكولوگيالىق كومەكتى ارتتىرۋ ۋاقىت كۇتتىرمەيتىن ماسەلەگە اينالدى. سوندىقتان دا، 2016-2020 جىلدارعا ارنالعان باعدارلامانى بەكىتتى. بۇعان دەيىنگى «سالاماتتى قازاقستان» باعدارلاماسى بويىنشا باستالعان ءىس جالعاسا بەرمەك. بۇرىن قاتەرلى ىسىكتى ەرتە ساتىسىندا انىقتاۋ مەن زاماناۋي قۇرىلعىلاردى ەنگىزۋ ماسەلەلەرى الدىڭعى قاتارلى ورىنعا قويدىق. ەندى الداعى ۋاقىتتا وسى ىستەر جالعاسىن تابادى. ماماندار بىلىكتىلىگىن ارتتىرۋعا باسا ءمان بەرمەكپىز. سونىمەن قاتار، زاماناۋي جىلدامداتقىشتار سانىن كوبەيتۋ دە جوسپاردا بار»،- دەيدى.
ال قازاق ونكولوگيا جانە راديولوگيا عزي ديرەكتورى قۋانىش نۇرعازييەۆ «ونكولوگيا سالاسىندا ءقازىر ەلباسى دا، ۇكىمەت تە كوپ كوڭىل ءبولىپ جاتىر. 2012 جىلدان بەرى جاڭا تەحنولوگيالاردى ەنگىزىپ، مەديسينالىق كومەكتى كوتەرۋ ءۇشىن كوپ جۇمىستار جاسالدى. باعدارلاما اياسىندا بىلتىر جەلتوقساندا 4 ساۋلەمەن ەمدەۋ جەلىلىك جىلدامداتقىشى ورناتىلدى. ال بۇگىنگى كونفەرەنسيا ماماندارىمىزدىڭ بىلىكتىلىگىن ارتتىرۋعا كەلدى. شەتەلدەن 5 دارىسكەر كەلدى. ولارعا ارنايى ۇيرەتۋ ساباقتارى جوسپارلانعان» دەگەن ويىمەن ءبولىستى.
انىقتاما
رەسمي مالىمەتتەرگە سۇيەنسەك، 2015 جىلدىڭ 1-قاڭتارىنداعى ەسەپ بويىنشا 150 436 قازاقستاندىق ونكواۋرۋلار بويىنشا ەسەپتە تۇر. 2013 جىلى بۇل كورسەتكىش 146 404 بولعان ەدى. قاتەرلى دەرتكە شالدىققاندار سانىنىڭ كوبەيۋى وبىردى العاشقى ساتىسىندا انىقتاۋ مۇمكىندىگىنىڭ ارتۋىمەن تىكەلەي بايلانىستى. جىل سايىن قاتەرلى ىسىكتەن 17000 مىڭ ادام كوز جۇمادى. ءولىم-جىتىم بويىنشا ونكولوگيالىق اۋرۋلار ەكىنشى ورىندا تۇر. ەلباسىمىز نۇرسۇلتان نازاربايەۆ وتاندىق ونكولوگيانىڭ دامۋىنا كوپ كوڭىل ءبولىپ كەلەدى. 2011-2015 جىلدارعا ارنالعان ق ر دەنساۋلىق ساقتاۋ سالاسىن ارتتىرۋدىڭ «سالاماتتى قازاقستان» باعدارلاماسى بويىنشا دياگنوستيكانىڭ جوعارى تەحنولوگيالىق ادىستەرى مەن عىلىمي نەگىزدە ەمدەۋ جۇيەسى جۇزەگە اسىرىلىپ، تۇرعىنداردىڭ قولجەتىمدىلىگى ارتتى.
