الماتى وبلىسىنىڭ اكىمدىگى جەتىم بالالاردىڭ باسپانالى بولۋىن قامتاماسىز ەتۋ ماقساتىندا ءبىرقاتار شارالار قابىلداۋدا. اتاپ ايتقاندا، وبلىس ورتالىعى تالدىقورعان قالاسىنداعى «شىعىس» شاعىن اۋدانىندا جەتىم بالالارعا ارنالىپ تۇرعىن ءۇي سالىنىپ جاتىر، دەپ حابارلايدى الماتى وبلىسى اكىمىنىڭ باسپا ءسوز قىزمەتى.

60 پاتەرلىك كوممۋنالدىق ءۇيدىڭ 28ء-ى ءبىر بولمەلى، 32ء-سى ەكى بولمەلى پاتەرلەر بولماق. 2014 جىلعى تامىز ايىندا باستالعان بەس قاباتتى تۇرعىن ءۇي قۇرىلىسى بيىلعى جىلى اياقتالۋى ءتيىس.

جالپى سمەتالىق قۇنى 348 946،530 مىڭ تەڭگە بولاتىن نىساننىڭ قۇرىلىسىن باس مەردىگەر كومپانيا «شىمىر» ج ش س جۇرگىزۋدە. باس جوبالاۋشى «ارلان –جوبا قۇرىلىس» ج ش س. قۇرىلىس جۇمىستارىنا 80 ادام جۇمىلدىرىلعان.

قۇرىلىس جۇمىستارى اياقتالعان سوڭ بۇل پاتەرلەردىڭ بارلىعى دا جەتىم بالالارعا بەرىلەتىن بولادى.

وعان قوسا جۋىردا وبلىستىق ءماسليحاتتىڭ كەزەكتى حV سەسسيا وتىرىسىندا بيۋدجەت ەسەبىنەن 646،9 ملن. تەڭگە ءبولىنىپ، بۇل قارجىعا قاراساي اۋدانىنداعى «اسىل ارمان» تۇرعىن ءۇي كەشەنىنەن جەتىم بالالارعا ارناپ 100 پاتەر ساتىپ الۋ جوسپارلانىپ وتىرعانى ءمالىم بولدى.

اتالمىش شارالار تولىعىمەن جۇزەگە اسىرىلعاندا وبلىستاعى قامكوڭىل بالالاردىڭ كوپشىلىگىنىڭ باسپانا ماسەلەسىنىڭ ءتۇيىنى تارقاتىلادى دەپ مەجەلەنۋدە.

 الماتى وبلىسى اكىمىنىڭ باسپا ءسوز قىزمەتى