شري-لانكاداعى "اۋليە انتونيا" شىركەۋىندەگى سەگىز جارىلىستىڭ سالدارىنان قازا تاپقاندار سانى 215 ادامعا ارتتى.

بۇگىن جەلىدە كوچچيكادە قالاسىنداعى "اۋليە انتونيا" شىركەۋىندە جارىلىس ورىن العانى تۋرالى حابار تارادى. كولىكتىڭ ۆيدەوتىركەۋ جۇيەسىنە جازىلعان بەينەدە شىركەۋ عيماراتىنان وقىستان ءتۇتىن شىققانى انىق كورىنەدى.

"جەتى كۇدىكتى ازامات قولعا ءتۇستى. قازا تاپقاندار اراسىندا 35 شەتەلدىك ازامات بار"، - دەپ حابارلاندى تۆيتتەر جەلىسىندە قۇزىرلى ورگاندار وكىلدەرى تاراپىنان.

ەسكە سالا كەتەيىك، بۇقارالىق اقپارات قۇرالدارىندا ءبىرشاما ۋاقىت بۇرىن قازا تاپقاندار سانى – 207، زارداپ شەككەندەر سانى – 450-دەن استام دەپ كورسەتىلگەن-دى. ءقازىر قازا تاپقاندار سانى 215-كە جەتىپ، زارداپ شەككەن ادامدار سانى 500-دەن اسقان.

پاسحا مەرەكەسىن تويلاۋ كەزىندە كاتوليكتىك شىركەۋلەر مەن كولومبو قوناق ۇيىندە جانە ەلدىڭ باسقا بولىكتەرىندە جالپى سانى سەگىز جارىلىس ورىن العان.