قازىرگى تاڭدا دۇرىس تاماقتانۋعا قاتىستى ءتۇرلى كەڭەستەر ايتىلىپ تا، جازىلىپ تا ءجۇر. ءبىراق قازاقستان حالقىنىڭ بارلىعى بىردەي دۇرىس تاماقتانۋدىڭ ەرەجەلەرىن ۇستانىپ ءجۇر دەپ ايتا المايمىز. قىتايداعى ۋنيۆەرسيتەتتەردىڭ بىرىندە ءمۇعالىم بولعان ءادىلباي ءماتقاسىم ۇلىنىڭ دا دۇرىس تاماقتانۋعا قاتىستى بىرنەشە جىل زەرتتەۋ جۇرگىزگەن. ول جاقىندا "قۋات 7" اتتى ءونىمىن حالىققا ۇسىندى. ءادىلباي ماتقاسىم ۇلىنىڭ ايتۋىنشا، بۇل ءونىمنىڭ دەنسالىققا پايداسى زور ءارى ارتىق سالماقتان ارىلۋعا كومەكتەسەدى. وسىعان قاتىستى Qamshy.kz اقپارات اگەنتتىگى ءادىلباي مەتقاسىمۇلىمەن اڭگىمەلەستى.
دۇرىس تاماقتانۋدى قالاي كۇندەلىكتى ادەتكە اينالدىرا الامىز؟
دۇرىس تاماقتانۋ ادامنىڭ دەنساۋلىعى ءۇشىن پايداسى زور ەكەنى بەلگىلى. كەز كەلگەن تاعامنىڭ دەنساۋلىققا زياندىسى مەن پايدالىسى بولادى. ءتىپتى پايدالى تاعامنىڭ وزىندىك شەكتەۋلەرى بار. قانشا جەردەن پايدالى بولسا دا شەكتەن تىس ىشىپ-جەپ قويسا اعزاعا كەرى اسەرىن تيگىزەدى. سول سەبەپتى دۇرىس تاماقتانعىسى كەلەتىن ادام وسى جايتتاردى دا ەسكەرگەن ءجون.
كۇندەلىكتى ءبىز تۇتىنىپ جۇرگەن اعزاعا زياندى تاعامداردان نەنى اتاي الاسىز؟
قازاق دەگەن ءشايدى كوپ ىشەتىن حالىق دەپ جاتامىز عوي. سول ءشاي اعزاعا وتە زياندىلاردىڭ قاتارىندا جاتادى. ءبىزدىڭ ەلدەگى ءشايدىڭ كوپشىلىگى ەكسپورتتان كەلەتىنى بەلگىلى. وندىرەتىن ەلدەردىڭ قاتارىندا جۇڭگو مەن ءۇندى ەلدەرى بار. مىسالى جۇڭگو ەلى ءوزى ءشاي وندىرسە دە وزدەرى بۇل ءشايدى تۇتىنبايدى. نە سەبەپتى؟ سەبەبى ولار بىلەدى مۇنىڭ اعزاعا كەرى اسەر ەتىپ، زيانىن تيگىزەتىن. سونىمەن قاتار قازىرگى جاستار كوپتەپ تۇتىنىپ جۇرگەن ءتاتتى سۋسىنداردىڭ دا اعزاعا زيانى كوپ ەكەنىن كوپشىلىك بىلەدى. ءبىراق بۇل سۋسىنداردان باس تارتا المايدى.
ءسىزدى قۋات اتتى تاعامدى شىعارىپ جاتىر دەپ ەستىدىك. بۇل تاعامدى شىعارۋداعى ماقساتىڭىز قانداي؟
نەگىزگى ماقساتىم ادامداردىڭ دەنساۋلىعىنا پايدالى تاعامداردىڭ سانىن كوبەيتۋ. بۇل تاعامدى شىعارۋ ءۇشىن كوپ ۋاقىت جۇمسالدى. جاقىن ارادا حالىققا جول تارتپاق.
بۇل تاعامنىڭ ەرەكشەلىگى نەدە؟ نەدەن جاسالعان؟
بۇل 7 ءتۇرلى پايدالى تاعام تۇرىنەن جاسالادى. مەن جاڭا پايدالى تاماقتىڭ ءوزى شەكتەن تىس قولدانىلسا اعزاعا زيان بولۋى مۇمكىن دەدىم عوي. ال "قۋات 7" دەگەن تاعامدا بارلىعى ءوز مولشەرىمەن جاسالعان. ءاربىر ءونىمنىڭ مولشەرى ەسەپتەلىنگەن. مۇنى قولدانۋ ارقىلى ادامدار ءوز اعزاسىنا كەرەكتى ازىقتى عانا بەرەدى.
ءسىزدىڭ بۇل ءونىمىڭىزدى تۇتىنعاندار بار ما؟ ولار قانداي پىكىردە؟
ءيا العاشىندا مەن ءوز وتباسىم ءۇشىن جاساپ ءجۇردىم. كەيىن تانىستارىم مەن تۋىستارىم قىزىعۋشىلىق تانىتتى. ولاردىڭ بارلىعى جاقسى پىكىردە دەپ تولىقتاي سەنىممەن ايتا الامىن. بۇل تاعام ارقىلى بەلگىلى ءبىر اۋرۋدان جازىلعاندار دا، سالماق تاستاعاندار دا بولدى. وسى تاعامدى 1 اي بويى ۇنەمى ىشكەن ءبىر تانىسىم بىرنەشە كەلى سالماق تاستادى.
اڭگىمەلەسكەن: اسەل بولات قىزى
