اكىمنىڭ ايتۋىنشا، بۇگىنگى تاڭدا ءۇي كەزەگىندە كوپبالالى وتباسىلار، از قامتىلعان ازاماتتار، مۇگەدەكتىگى بار جاندار سياقتى حالىقتىڭ الەۋمەتتىك جاعىنان وسال توبى قاتارىنداعى 20 مىڭ ادام تۇر. 

"وتكەن جىلى بيۋدجەتتەن بولىنگەن قاراجاتقا ساي كەزەكتە تۇرعاندارعا 188 پاتەر ءبولىندى. بيىل قوسىمشا بولىنگەن قاراجات ەسەبىنەن جىلدىڭ سوڭىنا دەيىن 1800 - 1900 پاتەر بولىنەدى دەپ جوسپارلانىپ وتىر. ەندى كەزەك جىلدام جىلجيتىن بولادى"، – دەدى باقىت سۇلتانوۆ. 

سونىمەن قاتار، ەلوردادا كوپبالالى وتباسىلاردى الەۋمەتتىك قورعاۋعا باعىتتالعان ءبىرقاتار ءىس-شارا قولعا الىنعان. ماسەلەن، مۇمكىندىگى شەكتەۋلى بالالارعا، 18 جاستان اسقان بالا كەزىنەن مۇگەدەكتىگى بار جاندارعا جانە ولاردىڭ قامقورشىلارىنا قوعامدىق كولىكتە تەگىن ءجۇرۋ مۇمكىندىگى  بەرىلەدى. ال كوپبالالى وتباسىلاردىڭ 1-11 سىنىپتا وقيتىن بالالارى جاڭا وقۋ جىلىنان باستاپ تەگىن ىستىق تاماقپەن قامتاماسىز ەتىلمەك. 

"نۇر-سۇلتان – مۇنداي كومەك كورسەتەتىن جالعىز قالا. ءبىز 1-4 سىنىپ ارالىعىندا وقيتىن بارلىق بالالاردى ىستىق تاماقپەن قامتاماسىز ەتەمىز. ەندى مۇنداي كومەك كوپبالالى وتباسىلاردىڭ مەكتەپتە وقيتىن بارلىق بالالارىنا بەرىلەدى"، –  دەپ ءتۇسىندىردى ب. سۇلتانوۆ.

ۇسىنعان: اسەل بولات قىزى