كۇنى كەشە عانا «قامشى» پورتالىندا «

؟» اتتى ماقالا جاريالاعان بولاتىنبىز. وندا سوڭعى ۋاقىتتاردا ورىن العان تىلسىم اپاتتار مەن سەبەبى انىقتالماعان اۋرۋ-ىندەتتەر تۋرالى باياندالعان ەدى. ماسەلەن، كالاچي اۋىلىنداعى ۇيقى دەرتى، اقبوكەندەردىڭ جاپپاي قىرىلۋى ت.ب. دەرەكتەر كەلتىرىلگەن. ارادا ءبىر كۇن وتپەي جاتىپ، تاعى ءبىر سۋىق حابار اتىراۋ وبلىسىنان كەلدى. اتىراۋ وبلىسىنداعى «اق جايىق» تابيعي قورىعىنىڭ تەرريتورياسىندا ورنالاسقان، ورال وزەنىنە قۇياتىن بىرنەشە كانال ماڭىنان جاپپاي قىرىلىپ قالعان، ءولى بالىقتار تابىلعان. بۇل تۋرالى اتىراۋ وبلىستىق تابيعي قورىقتى قورعاۋ پروكۋراتۋراسىنىڭ پروكۋرورى قايرات ۋتەۋلييەۆ قازينفورم تىلشىسىنە بايانداعان. «قازىرگى تاڭدا كانال ماڭىنان تورتا شاباق، تىران بالىق، تابان بالىقتاردىڭ ولەكسەلەرى تابىلعان. ءقازىر ول جەرگە ەكولوگتار مەن ارنايى ماماندار شاقىرىلىپ، سۋدىڭ حيميالىق جانە تابيعي قۇرامىن زەرتتەۋ جۇمىستارى جۇرگىزىلۋدە»،-دەيدى قايرات ۋتەۋلييەۆ. ەستەرىڭىزدە بولسا، قازاق دالاسىنىڭ جەز كيىكتەرى جاپپاي قىرىلىپ، سانى 120 مىڭنان اسىپ جىعىلعاندا، ماماندار كيىكىكتەردىڭ قىرىلۋ سەبەبىن – كۇپتى بولعان دەپ قورىتىندىلاعان ەدى. ەندى بالىق قىرعىنىنا نە دەر ەكەن؟.. نۇرزات توعجان