«اشىق ۇكىمەتتى» ەنگىزۋ. مۇنى مەملەكەت باسشىسىنىڭ «ۇلت جوسپارى – 100 ناقتى قادام: بارشاعا ارنالعان قازىرگى زامانعى مەملەكەت» اتتى بەس ينستيتۋتتىق رەفورماسىنداعى ماڭىزى زور تاپسىرما دەسەك تە بولادى. وسى ورايدا ەلباسى بۇقارامەن اشىق ديالوگ ورناتىپ اقپاراتقا قولجەتىمدىلىكتى قامتاماسىز ەتۋدى تاپسىرعان بولاتىن. وسى مىندەتتى ىسكە اسىرۋ ماقساتىندا ەلىمىزدەگى وڭىرلەر اراسىندا العاش بولىپ وبلىس اكىمدىگى جانىنان «وڭتۇستىك» اقپارات ورتالىعى قۇرىلىپ، وبلىستاعى جاۋاپتى تۇلعالار مەن سالا ماماندارى ب ا ق وكىلدەرى الدىندا حالىققا اتقارىلعان جۇمىستارىن بايانداۋدا. بۇگىنگى بريفينگتە وبلىستىق ءبىلىم، جاستار ساياساتى جانە تىلدەردى دامىتۋ باسقارماسىنىڭ باسشىسى ا.ەلشييەۆا بيىل وڭىردە 23،6 ملرد تەڭگەگە 101 ءبىلىم نىساننىڭ قۇرىلىسى جۇرگىزىلىپ، جىل سوڭىنا دەيىن 67 ءبىلىم نىسانىنىڭ پايدالانۋعا بەرىلەتىنى ايتتى. ونىڭ 49-ى مەكتەپ، 13ء-ى بالاباقشا، 5ء-ى قوسىمشا قۇرىلىس. سونداي-اق، وبلىستاعى اپاتتى دەپ تانىلعان 48 مەكتەپتىڭ 33-ىندە قۇرىلىس جۇمىستارى جۇرگىزىلىپ، تورتەۋى ەل يگىلىگىنە بەرىلگەن. ال، 29 نىسان بيىل اياقتالسا، 15 مەكتەپتىڭ ماسەلەسى 2016 جىلى شەشىلمەك. باسقارما باسشىسى باسپا ءسوز ءماسليحاتىندا ءۇش اۋىسىمدا وقيتىن 25 مەكتەپتىڭ بۇگىندە بەسەۋىنىڭ قۇرىلىسى جۇرگىزىلىپ، اعىمداعى جىلى تاپسىرلاتىندىعىن، 2017 جىلعا دەيىن ءۇش اۋىسىمدى مەكتەپتەر سانى جويىلاتىنىن باياندادى. بريفينگ سوڭىندا جۋرناليستەر تاراپىنان قويىلعان سۇراقتارعا تۇششىمدى جاۋاپ بەردى.