قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ بيىلعى جىلعى جولداۋىندا ءبىلىم بەرۋ نىساندارىنىڭ قۇرىلىسى دا نازاردان تىس قالمادى. «نۇرلى جول – بولاشاققا باستار جول» اياسىندا ەلىمىزدىڭ بارلىق وبلىستارىندا، ايماقتارىنداعى ەسكى مەكتەپتەر جاڭارتىلىپ، ءۇش اۋىسىمداعى مەكتەپتەردى جويۋ جانە جاڭا وقۋ عيماراتتارىن سالۋ پرەزيدەنت تاپسىرماسىنىڭ باسىم باعىتتارىنىڭ ءبىرى بولىپ تابىلادى. وڭتۇستىك قازاقستان وبلىسىندا بيىل 101 ءبىلىم نىسانىنىڭ قۇرىلىسى جۇرگىزىلۋدە. قۇرىلىسى ءجۇرىپ جاتقان نىسانداردىڭ 82ء-سى مەكتەپ بولسا، 14 جاڭا بالاباقشا ال، قالعان 5ء-ى مەكتەپ جانىنداعى قوسىمشا قۇرىلىستار. وسى ءبىلىم نىساندارىنىڭ 67ء-ى بيىل پايدالانۋعا بەرىلەدى. ونىڭ ىشىندە 49 ءبىلىم نىساندارىنىڭ 27ء-ى اپاتتى، 3ء-ى - ءۇش اۋىسىمدى مەكتەپتەر بولسا، 13ء-ى بالاباقشا. سونداي-اق، بالعىنداردى بالاباقشامەن قامتۋ ماقساتىندا جىل سوڭىنا دەيىن 12 مىڭ بالانى قامتيتىن 95 مەكتەپكە دەيىنگى ۇيىم پايدالانۋعا بەرىلەدى. ونىڭ 48ء-ى مەملەكەتتىك-جەكەمەنشىك سەرىكتەستىك اياسىندا اشىلماق. وڭتۇستىك قازاقستان وبلىستىق ءبىلىم، جاستار سايااتى جانە تىلدەردى دامىتۋ باسقارماسىنىڭ مالىمەتىنشە وڭىرىمىزدە 1-6 جاس ارالىعىنداعى 151948 بالانى قامتيتىن 1412 مەكتەپكە دەيىنگى ۇيىم جۇمىس ىستەيدى. ەستەرىڭىزگە سالساق، بىلتىر وڭىردە 115 ءبىلىم نىساننىڭ قۇرىلىسى جۇرگەن بولسا، «بالاپان» باعدارلاماسى اياسىندا مەكتەپكە دەيىنگى 160 ۇيىم ىسكە قوسىلعان.