قازاقستاننىڭ تۇڭعىش پرەزيدەنتىنىڭ ناقتى تاپسىرماسى اياسىندا بيىل قازاق حاندىعىنىڭ 550 جىلدىعىن بۇكىل ەل بولىپ اتاپ وتۋگە دايىندىق باستالىپ كەتكەن بولاتىن. قازىرگى تاڭدا قازاق حاندىعىنىڭ 550 جىلدىعىن اتاپ ءوتۋدىڭ تۇجىرىمداماسى دايىندالدى. "اتالعان تۇجىرىمدامادا قازاق حاندىعى قۇرىلۋىنىڭ عىلىمي دەرەكتەرى، مەرەيتويدىڭ كونسەپتۋالدىق نەگىزدەرى، يدەولوگەمالارى، نەگىزگى ماقساتتارى مەن مىندەتتەرى جانە ونىڭ كەزەڭدەرى كەلتىرىلگەن. وسى ورايدا قازاق تاريحىنداعى ايتۋلى داتانى اتاپ وتۋدە وڭتۇستىك تۇرعىندارى بۇگىننە باستاپ كەتتى. وڭتۇستىك قازاقستان وبلىسىندا قازاق حاندىعىنىڭ 550 جىلدىعىنا وراي 80-گە جۋىق ءىس-شارا وتكىزۋ جوسپارلانعان. بۇل تۋرالى بۇگىن شىمكەنت قالالىق №1 بالالار اۋرۋحاناسىندا ق ر پرەمەر-مينيسترىنىڭ ورىنباسارى بەردىبەك ساپاربايەۆ ءتوراعالىق ەتكەن جيىندا وڭتۇستىك قازاقستان وبلىستىق مادەنيەت باسقارماسىنىڭ باسشىسى كۇليا ايداربەكوۆا ايتتى، دەپ حابارلايدى Bnews.kz. كۇليا ايداربەكوۆانىڭ ايتۋىنشا، بۇگىندە ايماقتى 756 مادەنيەت جانە ونەر مەكەمەسى حالىققا قىزمەت كورسەتۋدە. «ونىڭ 428ء-ى – كىتاپحانا بولسا، 268ء-ى – كلۋب، 25ء-ى – مۇراجاي جانە 12ء-ى – ساياجاي»، - دەيدى باسقارما باسشىسى. باسقارما باسشىسى ايماقتا قازاق حاندىعىنىڭ 550 جىلدىعىنا وراي – 79، ۇلى وتان سوعىسىنىڭ 70 جىلدىعىنا – 64، قازاقستان حالقى اسسامبلەياسىنىڭ 20 جىلدىعىنا 47 ءىس-شارا ۇيىمداستىرۋ جوسپارلانعانىن حابارلادى. «79 ءىس-شارانىڭ 34ء-ى ورىندالدى. ۇلى وتان سوعىسىنا قاتىستى شارالار ءجۇز پايىز ورىندالدى»، - دەپ قورىتىندىلادى كۇليا ايداربەكوۆا.