ەلىمىزدە كۇن سايىن 1 مىڭداي، ال جىلىنا 400 مىڭعا تارتا ءسابي دۇنيە ەسىگىن اشادى. سوڭعى ون جىلدا بالا تۋۋ كورسەتكىشى 25 پايىزعا وسكەن. مەملەكەتتىك باعدارلامالاردى ىسكە اسىرۋ ناتيجەسىندە سالماعى 500 گرامنان جوعارى، شالا تۋىلعان سابيلەردىڭ ءومىرىن ساقتاپ قالۋ مۇمكىن بولعان. تەك سوڭعى بەس جىلدىڭ وزىندە سالماعى 1،5 كيلوعا دەيىنگى ءسابي­لەردى ساقتاپ قالۋ 30 پايىزعا ارت­قان. بريفينگتە ءسوز العان دەن­ساۋلىق ساقتاۋ جانە الەۋمەتتىك دامۋ مينيسترلىگى مەديسينالىق كو­مەكتى ۇيىمداستىرۋ دەپارتا­مەنتى ديرەكتورىنىڭ ورىنباسارى ماعريپا ەمبەرگەنوۆا وسى ءما­لىمەتتەردى العا تارتىپ، 2008 جىلى شالا تۋىلعان سابيلەردىڭ 41 پايىزى امان قالاتىن بولسا، ءقازىر بۇل كورسەتكىشتىڭ 60 پايىزعا جۋىقتاعانىن اتاپ ءوتتى. وڭتۇستىك قازاقستان وبلىسىندا جىلىنا كەم دەگەندە 80 مىڭ بالا دۇنيەگە كەلەتىن بولعاندىقتان بالالاردى 100 پايىز بالاباقشامەن قامتۋ مۇمكىن ەمەس. بۇل تۋرالى بۇگىن شىمكەنت قالالىق №1 بالالار اۋرۋحاناسىندا وتكەن جيىندا ق ر پرەمەر-مينيسترىنىڭ ورىنباسارى بەردىبەك ساپاربايەۆ ايتتى، دەپ حابارلايدى Bnews.kz. بەردىبەك ساپاربايەۆتىڭ مالىمدەۋىنشە، وڭتۇستىك قازاقستان وبلىسىندا ەلباسى نۇرسۇلتان نازاربايەۆتىڭ بەرگەن تاپسىرمالارى ورىندالىپ جاتىر. «قانداي دا ءبىر قارجىلىق داعدارىس بولسا دا وبلىستىڭ ەكونوميكالىق كورسەتكىشتەرى بىلتىرعى جىلعىدان تومەن ەمەس. سونىڭ ارقاسىندا حالىقتىڭ تۇرمىسى، ءال-اۋقاتى جامان ەمەس»، - دەيدى پرەمەر-مينيستردىڭ ورىنباسارى. بەردىبەك ساپاربايەۆ وڭتۇستىك قازاقستان وبلىسىندا حالىقتىڭ سانى كوپ بولۋىنا قاراماستان ايماقتا الەۋمەتتىك سالادا جاسالىپ جاتقان جۇمىستاردىڭ كوپ ەكەنىنە توقتالدى. «وبلىستىڭ حالقى كوپ بولعان سوڭ، جىلىنا كەمىندە 80 مىڭ بالا دۇنيەگە كەلەتىن بولعاندىقتان بالالاردى 100 پايىز بالاباقشامەن قامتۋ مۇمكىن ەمەس. قازىرگى تاڭدا 3-6 جاس ارالىعىنداعى بالالاردى بالاباقشامەن قامتۋ وبلىس بويىنشا 76 پايىزدى قۇرايدى. ءبىراق بۇل رەسپۋبليكالىق كورسەتكىشتەن تومەن. وسى باعىتتا جۇمىس جاساۋ كەرەك»، - دەدى بەردىبەك ساپاربايەۆ.