قازاقستان وركەنيەتتى، دەموكراتيالى ەل رەتىندە قازاقستاندىق ەتنوستاردىڭ تىلىندە دامىتىپ، جانە ولاردىڭ ءوز تىلىندە ءبىلىم الۋىنا دا جاعداي جاساپ كەلەدى. سونىمەن قاتار، مەملەكەتتىك ءتىلدىڭ مەرەيىن كوتەرىپ، قازاقستاندىقتاردىڭ ءۇش ءتىلدى ءبىلۋىن ناسيحاتتاۋ دا. ەلباسىمىز ن.ءا.نازاربايەۆ ءوزىنىڭ «بولاشاقتىڭ ىرگەسىن بىرگە قالايمىز» اتتى 2011جىلعى جولداۋىندا «ءبىزدىڭ مىندەتىمىز -2017 جىلعا قاراي مەملەكەتتىك ءتىل ءدى بىلەتىن قازاقستاندىقتار سانىن 80%-عا دەيىن جەتكىزۋ، ال 2020 جىلعا قاراي ولار كەمىندە 95%-دى قۇراۋى ءتيىس» دەگەن بولاتىن. ەندى ون جىلدان كەيىن مەكتەپ بىتىرۋشىلەردىڭ 100%-ى مەملەكەتتىك ءتىلدى ءبىلىپ شىعاتىن بولادى. سونداي-اق، قازىرگى زامانعى قازاق ستاندىق ءۇشىن ءۇش ءتىلدى ءبىلۋ – اركىمنىڭ مىندەتتى شارتى ەكەنىن اتاپ ءوتتى. وسى باستامانىڭ نەگىزىندە بۇگىندە قازاقستاندىق تاردى قازاق، ورىس، اعىلشىن تىلىندە وقىتۋ جۇمىستارى جۇرگىزىلۋدە. سونىڭ ءبىر دالەلى، اۋداندىق مادەنيەت جانە تىلدەردى دامىتۋ ءبولىمىنىڭ «تىلدەردى وقىتۋ جانە دامىتۋ ورتالىعىنىڭ» مۇعالىمدەرى تولەبيلىكتەردى دە ءۇش تىلدە (قايتا دايارلاپ) وقىتىپ كەلەدى. مىسالى مەن ءوزىم اعىلشىن ءتىلى ءپانىنىڭ ءمۇعالىمى ايجان نۇرلانقىزىنان ءدارىس الىپ ءجۇرمىن. اعىلشىن تىلىنەن وقۋ كۋرسى بولادى دەگەندە قۋانا-قۋانا جازىلدىم. مۇمكىندىگىنشە ساباقتى جىبەرىپ الماۋعا تىرىسامىز. مەكتەپتەگى مۇعالىمدەر اپتاسىنا ءۇش رەت ساباققا قاتىسادى. بۇگىنگى كوپ ءتىلدى جانە كوپ كونفەسسيالى قوعامدا ءتىل ءبىلۋدىڭ پايداسى كوپ. تىم بولماسا، بالالارى مىزدىڭ اعىلشىن ءتىلى ساباعىنا قاداعالاۋ جۇرگىزۋىمىز ءۇشىن دە قاجەت. ءمۇعالىمنىڭ بىلىمدىلىگىنىڭ، اق جارقىندىلىعىنىڭ ارقاسىندا ءتىل ۇيرەنۋشىلەردىڭ سانى كۇننەن-كۇنگە ىنتاسى ارتىپ، ساباققا ۋاقىتىلى كەلىپ-كەتۋگە ىقىلاس ءبىلدىرىپ وتىر. سونىمەن قاتار ورتالىق مۇعالىمدەرى تىڭداۋشىلاردىڭ تىلگە دەگەن قىزىعۋشىلىعىن ارتتىرۋ ماقساتىندا ءارتۇرلى ءىس – شارالار ۇيىمداستىرادى. وعان دالەل «ايەل-انا-تىرشىلىكتىڭ تىرەگى» اتتى مەرەكەلىك باعدارلاما ءۇش تىلدە جۇرگىزىلىپ، وسى ورتالىقتىڭ تىڭداۋشىلارى بەلسەنە قاتىستى. شىندىعى كەرەك، مەكتەپ مۇعالىمدەرىنىڭ قانشا قالاسا دا، ارنايى اعىلشىن كۋرستارىنا بارىپ وقۋىنا مۇمكىندىكتەرى بولا بەرمەيدى. ءبىر جاعىنان قاربالاس جۇمىس،ەكىنشى جاعىنان قاراجات ماسەلەسى. ال وزدەرى جۇمىس ورنىمىزعا كەلىپ، تەگىن ءدارىس بەرىپ جاتسا نەگە وقىماسقا؟. وسىنداي مۇمكىندىك جاساپ وتىرعان اۋدان اكىمىنە جانە اۋداندلىق مادەنيەت جانە تىلدەردى دامىتۋ ءبولىمىنىڭ «تىلدەردى وقىتۋ جانە دامىتۋ ورتالى عىنىڭ» مۇعالىمدەرىنە العىسىمىز شەكسىز جانە دجۋرابەكوۆا ايجان نۇرلانقىزىنا ەڭبەگىڭىز جانىپ،تەك بيىكتەن كورىنە بەرىڭىز دەپ تىلەك ايتقىمىز كەلەدى.

اياگوز سۇلەيمەن قىزى، №1 مەكتەپ-گيمنازياسىنىڭ قازاق ءتىلى ءپانىنىڭ ءمۇعالىمى