ەل مۇددەسى مەن كەلەشەگىن ويلايتىن رۋحاني باي جاستاردى تاربيەلەۋ ءۇشىن وتباسىنىڭ، اتا-انانىڭ الار ورىنى ەرەكشە. بالا تاربيەسىندەگى اتا-انانىڭ، وتباسىنىڭ ماڭىزدى ەكەندىگىن بىلگەن حالقىمىز: «اتا كورگەن وق جونار، انا كورگەن تون پىشەر» دەگەندى تەگىننەن تەگىن ايتپاعان جانە از سوزبەن-اق ۇلى ۇعىمعا مەڭزەي بىلگەن. كەشەگى كەڭەستەر وداعى كەزىندە بالا تاربيەسىنە وكتيابريات، پيونەر، كومسومول ۇيىمدارى دا جاۋاپتى بولىپ، بالاعا بەرىلەتىن تاربيەنىڭ شارۋاسىنا ولار دا بەلسەنە ارالاسقانى بەلگىلى. سولاي دەي تۇرساقتا جاڭا تۋعان بالانىڭ بويىنداعى رۋحتىڭ دامۋىنا ءتىل مەن ءدىل وتباسىندا بەرىلىپ، اتا-انانىڭ تىنىمسىز جاساعان ەڭبەگىمەن قالىپتاسادى. ءاربىر ۇلتتى بىر-بىرىنەن ەرەكشەلەندىرىپ تۇراتىن وسى ءتىل مەن ءدىل دۇنيەگە كەلگەن سابيگە انا سۇتىمەن، اكەنىڭ قانىمەن بەرىلىپ، سول جاستى رۋحى مىقتى ازامات ەتىپ وسىرەدى. رۋحى مىقتى ازاماتتىڭ بولاشاعى دا زور. سول ۇشىندە ءاربىر اتا-انا بالاسىنىڭ جاقسى تاربيە الۋىنا، دەنى ساۋ بولىپ وسۋىنە كوڭىل ءبولىپ، وزدەرى تاراپىنان بەرىلەتىن تاربيەنىڭ مانىنە، مازمۇنىنا نازار اۋدارعاندارى ءجون. مەكتەپ وقۋشىلارىنىڭ ساباقتارىنىڭ ءبىتىرۋ مەرزىمى جاقىنداۋىنا بايلانىستى، تولەبي اۋداندىق «نۇر» مەشىتىنىڭ باس يمامى اناربايەۆ ساماتتىڭ ۇيىمداستى رۋىمەن اۋدان كولەمىندەگى بارشا مەكتەپ بىتىرۋشىلەرمەن كەزدەسۋلەر ۇيىمداستى رىلىپ، جوسپارلى تۇردە وتكىزىلۋدە. بۇل كەزدەسۋدىڭ ماقساتى قازىرگى جاستار اراسىن داعى ءدىني تۇسىنىكتەرىن جوعارلاتۋ، سونىمەن بىرگە وزەكتى ماسەلە بولىپ تۇرعان جات اعىمدار جايلى ماعلۇمات بەرىلىپ، ساق بولۋ كەرەكتىلىگى ايتىلۋدا. كەزدەسۋگە سول مەكتەپتەردىڭ اسىرەسە ءبىتىرۋشى تۇلەكتەرى قاتىستىرىلۋىنا جەتە ءمان بەرىلۋدە. سەبەبى بولاشاق ستۋدەنتتەر ەرتەڭ سىرتتا ءدىني ساۋاتسىزدىق كەسىرىنەن جات اعىم جەتەگىندە كەتۋدە. ءار كەزدەسۋ سوڭىندا وقۋشى، مۇعالىمدەر اراسىنان كوكەيدە جۇرگەن سۇراقتارىنا تۇشىمدى جاۋاپتار بەرىلىپ وتىردى.