قازاقستان تاۋەلسىزدىك العان 24 جىلدىڭ ىشىندە قازاقستاندىق ورەندەر حالىقارالىق ءبىلىم وليمپيادالارىنىڭ جەڭىمپازى بولىپ، جەڭىس تۇعىرىنان تۇسپەي كەلەدى. ارينە، وسى جىلدار ارالىعىندا ءبىزدىڭ وقۋشالىردىڭ شەتەلدىك ءبىلىم وليمپيادالارىنان جەڭىپ العان جۇلدەلەرى – ونداعان مىڭنان اسپ جىعىلعان. سولاردىڭ ىشىندە وڭتۇستىك قازاقستان وقۋشالىر دا سان مارتە توپتى جارىپ، شەتەلدەردە جەڭىس تۇعىرلارىنا كورىنىپ ءجۇر. مامىر ايىنىڭ باسىندا امەريكا قۇراما شتاتتارىنىڭ حيۋستون قالاسىندا وتكەن حالىقارالىق عىلىمي جوبالار بايقاۋىندا وڭتۇستىك قازاقستاننان بارعان قوس بىردەي وقۋشى جەڭىس تۇعىرىنان كورىندى. بۇل تۋرالى وبلىستىق اكىمدىكتىڭ باسپا ءسوز قىزمەتى حابارلايدى. اتالمىش ءبىلىم دوداسىنا اقش، رەسەي، جاپونيا، كورەيا، جۇڭگو، تۇركيا سىندى مەملەكەتتىڭ ءبىلىمدى جاستارى قاتىسقان. جاس عالىمدار اراسىندا وتكەن جارىستا جەرلەستەرىمىز قولا مەدال يەمدەنىپ وتىر. فيزيكا، ەنەرگيا، ينجەنەريا باعىتىنداعى وتكەن جارىسقا 67 مەملەكەتتەن 668 وقۋشى قاتىسقان. ونىڭ 12ء-سى — قازاقستاندىق وقۋشىلار. الەمدەگى ەڭ اۋقىمدى ءبىلىم سايىسىنا شىمكەنتتەن تورەگەلدى ايتبەك پەن اليسۇلتان ابدۋللايەۆ قاتىسقان. «ارحەولوگيالىق ماتەريالداردىڭ قۇرامىن زەرتتەۋ» تاقىرىبىندا اۋقىمدى جوبا جاساعان 11 سىنىپ وقۋشىسى تورەگەلدى باقتىباي ۇلى ءوزىنىڭ جۇمىسىن تولىقتاي شەت تىلىندە قورعاپ شىعۋ وڭايعا سوقپاعانىن ايتادى. سونداي-اق، شىمكەنتتەگى «جاس عالىم» جۋرنالى مەن «جاسۇلان» قوعامدىق بىرلەستىگىنىڭ ۇيىمداستىرۋىمەن وتكەن سايىستا دا جەڭىمپازدار انىقتالدى. ەكى باعىت بويىنشا عىلىمي جانە شىعارماشىلىق جۇمىستارىن كونكۋرسقا جىبەرىپ، جەتىستىككە جەتكەن وقۋشىلار «جاس عالىم» نوميناسياسىمەن ماراپاتتالدى.