شىمكەنت قالاسىنداعى س.راحىموۆ اتىنداعى اسكەري مەكتەپ-ينتەرناتتىڭ شاڭىراعىنان وتىز جىل ىشىندە 3000-نان استام جاس تۇلەپ ۇشىپ، جۇمىسقا ورنالاسقان. مەكتەپتى بىتىرگەندەر ەل اۋماعىندا، الىس جانە جاقىن شەتەلدەردەگى جوعارى وقۋ ورىندارىندا بىلىكتىلىگىن جالعاستىرىپ ءجۇر. اسكەري ءبىلىمىن جەتىلدىرگەندەر رەسپۋبليكالىق قارۋلى كۇشتەرىنىڭ ءتۇرلى سالالارىندا قىزمەت ەتەدى. اسكەري مەكتەپ-ينتەرنات-قا  8،9-سىنىپتاردى  بىتىرگەن، دەنساۋلىعى جارامدى جانە قازاقستان رەسپۋبليكاسىنىڭ قارۋلى كوشتەرىنىڭ وفيسەرى بولۋدى قالايتىن وقۋشىلار قابىلدانادى. وقۋعا ءتۇسۋ ءۇشىن تالاپكەرلەردىڭ قۇجاتتارىن قابىلداۋ  ماۋسىمنىڭ 1ء-ى مەن 30-ى ارالىعىندا جۇرگىزىلەدى. قۇجاتتارىن تولىق وتكىزگەن تالاپكەر وقۋعا ءتۇسۋ ەمتيحانىن تاپسىرۋعا جىبەرىلەدى. ەمتيحان تاپسىرۋعا كەلگەن وقۋشىلاردىڭ بارلىعى قازاقستان رەسپۋبليكاسى قورعانىس مينيسترلىگىنىڭ اسكەري مەديسينالىق كوميسسياسىنىڭ تەكسەرۋىنەن وتەدى. مەكتەپتەگى وقۋ باعدارلاماسى بويىنشا ماتەماتيكادان (تەست)، قالاۋى بويىنشا قازاق ءتىلى مەن ادەبيەتى نەمەسە ورىس ءتىلى مەن ادەبيەتىنەن (تەست)، دەنە تاربيەسىنەن ەمتيحان تاپسىرادى. كونكۋرستان وتكەن تالاپكەرلەر اسكەري مەكتەپ-ينتەرناتقا قابىلدانىپ، تەگىن جاتاقحانامەن، تاماق جانە كيىممەن قامتاماسىز ەتىلەدى.

مەكتەپتى جاقسى اياقتاعان وقۋشىلارعا ەل اۋماعىنداعى، جاقىن جانە الىس شەت ەلدەردەگى اسكەري جوعارى وقۋ ورىندارىنا وقۋعا تۇسۋگە جولداما بەرىلەدى. قابىلداۋعا ۇسىنىلاتىن قۇجاتتار: – وقۋشىنىڭ اسكەري مەكتەپ-ينتەرنات باسشىسىنا ءوتىنىشى؛ – تۋۋ تۋرالى كۋالىكتىڭ نوتاريۋس ارقىلى راستالعان كوشىرمەسى (2 دانا)؛ – مەكتەپ ديرەكتورى جانە سىنىپ جەتەكشىسى بەرگەن مىنەزدەمە؛ – پسيحونيەۆرولوگيالىق، تەرى-ۆەنەرولوگيالىق، ناركولوگيالىق جانە تۋبەركۋلەز ديسپانسەرىنەن انىقتاما؛ – اتا-اناسىنىڭ جۇمىس ورنىنان انىقتاما؛ – تۇراتىن جەرىنەن جانە وتباسى قۇرامى تۋرالى انىقتاما؛ – كامەلەت جاسقا تولماعاندار ءىسى جونىندەگى ينسپەكسياسىنان انىقتاما؛ – تالاپكەردىڭ جەكە سايكەستەندىرۋ نومەرى (جسن)؛ – تۇرعىلىقتى جەردەگى قورعانىس ىستەر باسقارماسىنا اسكەري دارىگەرلىك كوميسسيادان اسكەري مەكتەپ-ينتەرناتقا تۇسۋگە جارامدىلىعى جانە دەنساۋلىعى جونىندە بەرىلگەن دارىگەرلىك انىقتاما؛ ا) جۇرەك اقاۋى بار نەمەسە جوقتىعى جونىندەگى ەلەكتروكارديوگرامما (سيپاتتاماسىمەن)؛ ءا) مۇرىننىڭ ىشكى قۋىسىنىڭ رەنتگەنى (سيپاتتاماسىمەن)؛ ب) كەۋدە قۋىسى مۇشەلەرىنىڭ فليۋگرافياسى (سيپاتتاماسىمەن)؛ ۆ) جالپى قان، ءزار، ءناجىس اناليزدەرى؛ گ) كلينيكالىق قان ءاناليزى (رەزۋس فاكتور، قان توبى، ميكرورەاكسيا)؛ د) جقتب (سپيد) بەلگىسىنە تەكسەرۋدەن ءوتۋ؛ ە) ىشەك قۇرتتارىنىڭ جانە ديزەنتەريالىق ءاناليزى؛ – باس كيىمسىز 3ح4 سۋرەتتەن 4 دانا؛ – وقۋشىنىڭ جەكە قاعازى (مەكتەپتەن)، 1ء-شى سىنىپتان بەرگى تابەلى؛ – نەگىزگى ورتا ءبىلىمى تۋرالى كۋالىكتىڭ نوتاريۋس تاراپىنان راستالعان كوشىرمەسى (9 سىنىپتار ءۇشىن)؛ – پروفيلاكتيكالىق ەگۋ جونىندەگى مەديسينالىق كىتاپشا (N 63 فورماسى)؛ – 15 جاسقا تولعان امبۋلاتوريالىق اۋرۋدىڭ جەكە كىتاپشاسى (N 026ۋ تىركەۋ فورماسى)، (N 025-يۋ تىركەۋ فورماسى)؛

«وڭتۇستىك رابات»، №19، 13.05.2015