وڭتۇستىك قازاقستان وبلىسىنداعى 1022 مەكتەپتە سوڭعى قوڭىراۋ سوعىلىپ، ءبىتىرۋشى تۇلەكتەر التىن ۇيالارىمەن قوشتاستى. سونىڭ بىرىنە ءوڭىر باسشىسى دا قاتىستى. وبلىس اكىمى اسقار يسابەك ۇلى تۇلكىباس اۋدانى جاسكەشۋ اۋىلىنداعى س.سەيفۋللين اتىنداعى جالپى ورتا مەكتەپتە «قوش بول، التىن ۇيا مەكتەبىم!» تاقىرىبىنداعى سوڭعى قوڭىراۋ شاراسىنا قاتىستى. اتالعان اۋدانداعى مەكتەپتەردى بىتىرەتىن 1062 تۇلەكتىڭ 54ء-ى «التىن بەلگىدەن»، 20-سى ۇزدىك اتتەستاتتات ءۇمىتتى. سالتاناتتى جيىنعا قاتىسقان ءوڭىر باسشىسى بارشا وڭتۇستىكقازاقستاندىق ءبىتىرۋشى تۇلەكتەردى قۇتتىقتاپ، ءبىلىمدى، بيىك پاراساتتى ازامات بولى
پ ءوسۋىن تىلەدى.‒ ءبىز بۇگىن ۇلكەن قۋانىشتىڭ، تاريحي ءىس-شارانىڭ كۋاسى بولىپ وتىرمىز. مەكتەپ بىتىرۋشىلەر جاڭا ومىرگە قادام باسقالى وتىر. الداعى سىناقتاردان ابىرويمەن ءوتىپ، جوعارى كورسەتكىشكە يە بولاتىندارىڭىزعا سەنىمدىمىن، ‒ دەدى ا.مىرزاحمەتوۆ.
جالپى 2014-2015 وقۋ جىلىندا وبلىستاعى 1022 مەكتەپتە 562 مىڭ 621 وقۋشى ءبىلىم الدى. 814 ورتا مەكتەپتە ءبىلىم العان 30982 وقۋشى بۇگىن 11-سىنىپتى ءبىتىردى. بيىلعى تۇلەكتەردىڭ 18588ء-ى ۇبت-عا قاتىسۋعا نيەت ءبىلدىردى. ال 1085 ءبىتىرۋشى «التىن بەلگىدەن» ءۇمىتتى.
وبلىسىمىزدا سوڭعى التى جىلدا ءۇش جۇزگە جۋىق جاڭا ءبىلىم نىساندارى پايدالانۋعا بەرىلسە، وتكەن جىلدىڭ وزىندە 54 نىسان اشىلدى. بيىل وڭىردە جاڭا 82 مەكتەپتىڭ قۇرىلىسى جۇرۋدە.
حالىقارالىق جانە رەسپۋبليكالىق وليمپيادالار، عىلىمي جوبالار، سپورت پەن ونەر سايىستارىندا وبلىستىڭ 700 وقۋشىسى جەڭىمپاز اتاندى. ءبىلىمدى جاستار كومانداسى رەسپۋبليكالىق ءپان وليمپياداسىندا وتكەن جىلى ءى ورىندى يەمدەنسە، بيىلعى جىلى ەكى باعىت بويىنشادا ءىىى ورىندى، سونىمەن قاتار «ۇزدىك وليمپيادالىق كوماندا — 2015» اتاعىنا لايىق دەپ تانىلدى.
سونداي-اق، قازاقستان رەسپۋبليكاسىنىڭ مەكتەپ جانە كوللەدج وقۋشىلارى اراسىنداعى Vءىى جازعى سپارتاكياداسىندا وبلىس كومانداسى ءى ورىندى يەلەنىپ، ءوڭىر مەرەيىن ءوسىردى.
وقو اكىمىنىڭ باسپا ءسوز قىزمەتى
