"ۋكراينانىڭ جاڭا سايلانعان پرەزيدەنتى ۆلاديمير زەلەنسكيي دونباسس ءۇشىن دە، ۋكراينانىڭ ەكونوميكاسى ءۇشىن دە ەشتەڭە ىستەي المايدى، بۇل اششى شىندىق"، - دەپ مالىمدەدى جوعارى رادانىڭ دەپۋتاتى ۆاديم رابينوۆيچ «112 ۋكراينا» تەلەارناسىنداعى سۇحباتىندا.  

«ونىڭ اينالاسىندا جۇرگەن ادامدار مەن ءوزىن ۇستاۋ ادەبىن باقىلاپ قارايتىن بولساق، ونىڭ مەملەكەتتىڭ جاعدايىن وزگەرتە المايتىنىنا كوز جەتكىزەمىز»، - دەپ اتاپ ءوتتى رابينوۆيچ.

«زەلەنسكيي پوروشەنكونى سايلاۋدا جەڭگەن كەزدە، تەك ءوزىنىڭ «تاريحي ءرولىن سومدادى»، - دەدى.

سونىمەن قاتار دەپۋتات، ۋكراينالىقتاردى راداداعى سايلاۋدا ەلدەگى ەكونوميكالىق احۋالدى رەتكە كەلتىرۋ ءۇشىن دۇرىس شەشىم قابىلداۋعا شاقىردى.

ەستەرىڭىزگە سالا كەتسەك، ۋكراينانىڭ مەملەكەت باسشىسىن ۇلىقتاۋ ءراسىمى سايلاۋ قورتىندىسىن رەسمي تۇردە مالىمدەپ، ونى «گولوس ۋكراينى» گازەتىندە جاريالاعاننان كەيىن وتىز كۇننىڭ ىشىندە ءوتۋى كەرەك. الايدا ۇلىقتاۋ ءراسىمىنىڭ ناقتى كۇنىن جوعارعى رادا جەكە قاۋلى ارقىلى بەلگىلەۋى كەرەك.

ۇسىنعان: مارجان سابەت