ەلىمىزدە جەڭىس كۇنىنە وراي ۇلى وتان سوعىس ارداگەرلەرىنە ءبىر جولعى تولەم جاسايدى دەپ حابارلايدى Qamshy.kz اقپارات اگەنتتىگى ەڭبەك جانە الەۋمەتتىك قورعاۋ مينيستىرلىگىنىڭ باسپا ءسوز قىزمەتىنە سىلتەمە جاساپ. 

قازاقستاندا اعىمداعى جىلدىڭ 1 مامىرىنا  ۇلى وتان سوعىسىنىڭ 1425 قاتىسۋشىلارى مەن مۇگەدەكتەرى، سونداي-اق 87 مىڭنان استام ۇوس ارداگەرلەرى ءومىر سۇرەدى.

جەرگىلىكتى اتقارۋشى ورگاندار ارداگەرلەرگە قولداۋ كورسەتۋ جانە ولارعا قۇرمەت تانىتۋ بويىنشا ءىس-شارالار جوسپارىن ازىرلەدى. اكىمدىكتەر وزدەرىنىڭ بيۋدجەتتەرىنىڭ مۇمكىندىگىنە قاراي ءبىرجولعى اقشالاي تولەم مولشەرىن بىر-بىرىنەن بولەك بەلگىلەيدى.

نۇر-سۇلتان - 519 مىڭ تەڭگە،

الماتى - 250 مىڭ تەڭگە،

شىمكەنت - 250 مىڭ تەڭگە،

شىعىس قازاقستان وبلىسى - 542 مىڭ تەڭگە،

اقمولا وبلىسى - 500 مىڭ تەڭگە،

پاۆلودار وبلىسى - 500 مىڭ تەڭگە،

قاراعاندى وبلىسى - 300 مىڭ تەڭگە،

اتىراۋ وبلىسى - 300 مىڭ تەڭگە،

اقتوبە وبلىسى - 300 مىڭ تەڭگە،

باتىس قازاقستان وبلىسى - 300 مىڭ تەڭگە،

ماڭعىستاۋ وبلىسى - 250 مىڭ تەڭگە،

سولتۇستىك قازاقستان وبلىسى - 250 مىڭ تەڭگە،

تۇركىستان وبلىسى - 250 مىڭ تەڭگە،

قىزىلوردا وبلىسىندا 202 مىڭ تەڭگە،

قوستاناي وبلىسى - 150 مىڭ تەڭگە،

جامبىل وبلىسى - 150 مىڭ تەڭگە.

سونىمەن قاتار، مينيسترلىك 2019 جىلى ۇلى وتان سوعىسىنىڭ ءاربىر قاتىسۋشىسىنا جانە مۇگەدەگىنە كەم دەگەندە 300 مىڭ تەڭگە تولەۋدى ۇسىنىس جاسادى. قورشاۋداعى لەنينگراد تۇرعىندارىنا - جالپى سوماسى 3،4 ملن. تەڭگەگە 69 ادامعا، كونسلاگەرلەردىڭ جاسى كامەلەتكە تولماعان بۇرىنعى تۇتقىندارىنا (283 ادام - 14،5 ملن. تەڭگە)، قايتىس بولعان ۇوس مۇگەدەكتەرىنىڭ جۇبايلارىنا (4 179 ادام - 79،1 ملن. تەڭگە)، ۇوس كەزىندە قازا بولعانداردىڭ جەسىرلەرىنە (364 ادام - 11،5 ملن. تەڭگە)، تىل ەڭبەككەرلەرىنە (67 479 ادام-1،3 ملرد. تەڭگە) جانە ۇوس قاتىسۋشىلارى مەن ارداگەرلەرىنە تەڭەستىرىلگەن باسقا ازاماتتارعا (15 066 ادام-676 ملن. تەڭگە) ءتۇرلى ءبىرجولعى تولەمدەر تيەسىلى.

بۇدان باسقا، ۇوس مۇگەدەكتەرىن ءبىرىنشى كەزەكتە ساناتورلىق-كۋرورتتىق ەمدەۋمەن، پروتەزدىك-ورتوپەديالىق بۇيىمدارمەن، پروتەزدەۋ بويىنشا مەديسينالىق قىزمەتتەرمەن، سۋردوقۇرالدارمەن جانە باسقا دا كومپەنساتورلىق قوسالقى قۇرالدارمەن، مىندەتتى گيگيەنالىق قۇرالدارمەن، كرەسلو-اربالارمەن جانە دارىلىك زاتتارمەن قامتاماسىز ەتۋ جوسپارلانۋدا.

جەڭىستىڭ 74 جىلدىعىنا وراي 88 862 ۇوس ارداگەرلەرىنە 2،6 ملرد. تەڭگەدەن استام سوماعا ءبىر جولعى ماتەريالدىق كومەك تولەنەدى.

ۇسىنعان: يلدار اديلچەنوۆ