وڭتۇستىك قازاقستان وبلىسىندا قۇقىق قورعاۋ سالاسى قىزمەتكەرلەرى الەۋمەتتىك سالا ماماندارىمەن بىرلەسە وتىرىپ ءتۇرلى قوعامدىق ءىس-شارالاردى ۇيىمداستىرىپ كەلەدى. بۇل تۋرالى «قامشى »پورتالى حابارلايدى. وڭتۇستىك قازاقستان وبلىسىندا «جۇرگىزۋشى – جاياۋ جۇرگىنشى» اتتى رەسپۋبليكالىق كەڭ ماسشتابتى جەدەل-الدىن الۋ ءىس-شاراسى وتۋدە. بۇل ءىس-شارا اياسىندا شىمكەنتتىك پوليسيا قىزمەتكەرلەرى ءبىر كۇندىك جۇمىستارىن ادەتتەگىدەي ورىنداردا ەمەس، اۋرۋحانالاردا وتكىزدى. «جۇرگىزۋشى، بالانىڭ ءومىرىن ساقتا!» دەگەن ۇرانمەن ۇيىمداستىرىلعان اكسيا بارىسىندا ءتارتىپ ساقشىلارى «ءنۇرسات» شاعىناۋدانىنداعى بالالار اۋرۋحاناسىنا بارىپ، جول اپاتتارى سالدارىنان جاراقاتتانعان بالالارمەن كەزدەستى. ءتارتىپ ساقشىلارى جاپا شەكەن بۇلدىرشىندەردىڭ جاعدايلارىن سۇراستىرىپ، ولاردىڭ اتا-انالارىمەن سويلەستى. سونداي-اق، وقۋشىلارعا ءتۇرلى جۇمساق ويىنشىقتارمەن قاتار 30-دان استام ساۋلەگە قارسى جارىق بەرەتىن بىلەزىكتى سىيعا تارتتى. جول ەرەجەسى تۋرالى مۋلتفيلم ديسكىلەرى ۇلەستىرىلدى. ال اتا-انالار جۇرگىزۋشىلەرگە دەگەن وكپە-نازدارىن جازىپ، جول قوزالىسى كەزىندە ساق بولۋىن تالاپ ەتەتىن ارنايى پاراقشالاردى تولتىردى. ەندى اۆتوكولىك يەلەرىنە ارنالعان بارلىق وتىنىشتەر الەۋمەتتىك جەلىلەردە جاريالاناتىن بولادى. لۋيزا عازييەۆا، وقو ءىىد اكىمشىلىك پوليسيا باسقارماسىنىڭ ينسپەكتورى: «بۇل ءىس-شارا 30 مامىرعا دەيىن جالعاسادى. وزگە اكسيالاردى جول-كولىك وقيعالارىنان جاراقاتتانعان بالالاردىڭ قاتىسۋىمەن وتكىزۋدى جوسپارلاپ وتىرمىز. پلاكاتتارمەن كوشەلەرگە شىعىپ، قۇلاعى ەستىمەيتىن بالالارعا ارنالعان مەكتەپ-ينتەرناتتارعا بارامىز».