«2020 جىلعا قاراي قالالىق جانە اۋىلدىق جەرلەردەگى بالالاردىڭ ءبارى مەكتەپكە دەيىنگى وقىتۋ جانە تاربيەمەن قامتىلۋى كەرەك. بىزدە ول ءۇشىن بارلىق مۇمكىندىك بار، الەۋەتىمىز جوعارى، مەملەكەتتىك-جەكە مەنشىك ارىپتستىك – ءبارى بار»، - دەپ ەسكە سالدى نۇرسۇلتان ءابىش ۇلى. ەلباسى «نۇرلى جول» اتتى كەزەكتى جولداۋىندا مەكتەپكە دەيىنگى ۇيىمدارداعى ورىندار تاپشىلىعىن بارىنشا ازايتۋدى تاپسىردى. ول ءۇشىن پرەزيدەنت 20 ملرد. تەڭگە قوسىمشا قاراجات ءبولۋدى بۇيىردى. دەمەك، كوپ ۇزاماي ونداعان بالاباقشا اشىلادى دەگەن ءسوز. بۇل بالاباقشالاردى اشۋ بارىسىندا جەرگىلىكتى ورگاندار مەكتەپكە دەيىنگى وسى مەكەمەلەردە جۇمىس ىستەيتىن تاربيەشىلەر مەن مەڭگەرۋشىلەردىڭ كاسىبي دەڭگەيىن دە نازاردان تىس قالدىرماۋى شارت. وسى ورايدا سايرام اۋدانىندا 160 ورىندى جاڭا بالاباقشا پايدالانۋعا بەرىلدى. زامان تالابىنا ساي سالىنعان ەكى قاباتتى «باقداۋلەت-گريب» بالاباقشاسىندا 40-قا جۋىق ازامات تۇراقتى جۇمىسپەن قامتىلعان. بۇل تۋرالى وبلىس اكىمىنىڭ باسپا ءسوز قىزمەتى حابارلايدى. بالعىن بالالارعا قۋانىش سىيلاپ، مەكتەپكە دەيىنگى مەكەمەنى سالۋعا دەمەۋشىلىك جاساعان — جەكە كاسىپكەر سيقىمباي ساعىندىقوۆ. ءۇش تىلدە ءبىلىم بەرەتىن بالاباقشادا ورەندەردىڭ الاڭسىز تاربيە الۋىنا جانە ولاردىڭ بويىنا ءبىلىمنىڭ العاشقى نەگىزىن قالاۋعا قاجەتتى جاعدايدىڭ بارلىعى جاسالعان. مۇندا ەلدىگىمىز بەن بىرلىگىمىزدى دارىپتەيتىن ءتۇرلى ۇيىرمەلەر مەن بالعىنداردىڭ سالاۋاتتى ءومىر سالتىن ۇستانۋىنا ارنالعان ويىن الاڭشالارى دا قامتىلعان. جالپى، بيىل وبلىس اۋماعىندا بالعىنداردى بالاباقشامەن قامتۋ ماقساتىندا جىل سوڭىنا دەيىن 12 مىڭ بالانى قامتيتىن 95 مەكتەپكە دەيىنگى ۇيىم پايدالانۋعا بەرىلەدى. ونىڭ 48ء-ى مەملەكەتتىك-جەكەمەنشىك سەرىكتەستىك اياسىندا اشىلماق.