وڭتۇستىك قازاقستان وبلىسى قارابۇلاق اۋىلىندا 15 جاستاعى قىز بالانى 3 ەر كىسى زورلاعاننان كەيىن جەتكىنشەك وزىنە قول سالعان. جانتۇرشىگەرلىك جاعدايعا بايلانىستى جابىق سوت ءجۇرىپ جاتىر.

زورلانعان جەتكىنشەك ءالى كامەلەتتىك جاسقا تولماعاندىقتان، ءىس كامەلەتتىك جاسقا تولماعاندارعا قاتىستى مامانداندىرىلعان اۋدانارالىق سوتتا جابىق تۇردە قارالۋدا. 2014 جىلدىڭ جازىندا قارابۇلاق اۋىلىنىڭ 15 جاستاعى تۇرعىنى سىركە سۋىن ءىشىپ، ومىرمەن قوش ايتىسپاق بولعان. وزىنە قول سالعان جەتكىنشەكتى دارىگەرلەر دەر كەزىندە امان الىپ قالدى. كەيىن تۋىستارى سۇراققا العاننان كەيىن قىز-بالا ونى ءۇش ەر كىسىنىڭ زورلاعانىن ايتقان. بەلگىلى بولعانداي، جەرگىلىكتى ءتىس دارىگەرىنە ەمدەلۋگە بارعان جەتكىنشەككە دارىگەر اۋىرسىنۋدى سەزدىرتپەيتىن ءدارىنى شامادان تىس بەرگەن. سالدارىنان قىز-بالا ەس-تۇسسىز كۇيگە تۇسكەن. ەسىن جيناعاندا وقۋشى دارىگەردىڭ ۇيىندە ەكەنىن تۇسىنگەن. ەر كىسى ەكى دوسىمەن بىرىگىپ، جەتكىنشەكتى كۇنى بويى ۇيىندە كۇشپەن ۇستاپ، زورلاعان. سوت ازىرگە كۇدىكتىگە قاتىستى ۇكىم شىعارمادى.