ەكونوميكالىق تەرگەۋ دەپارتامەنتىنىڭ قىزمەتكەرلەرى جىل باسىنان بەرى 35 قىلمىستىق ءىستى تەرگەپ، سوتقا جىبەردى، دەپ حابارلايدى Qamshy.kz اقپارات اگەنتتىگى  «حابار 24»  تىلشىسىنە سىلتەمە جاساپ.

بىلتىر پەتروپاۆل قالاسىنىڭ جامبىل جابايەۆ كوشەسىنىڭ جارىقتاندىرۋ جۇيەسىن جاڭارتۋعا 230 ملن تەڭگە جۇمسالعان. الايدا ەكونوميكالىق تەرگەۋ دەپارتامەنتىنىڭ قىزمەتكەرلەرى ونىڭ 44 ميلليونىن ەسەپتەپ شىعارا الماعان.

«44 ملن-نىڭ ىشىندەگى 21 ميلليونىنا جوبالىق-سمەتالىق قۇجاتتاردا ورناتىلۋى ءتيىس قۇرالداردىڭ ورنىنا باسقا قۇرالدار ورناتىلعان. باعاسى تومەن. ول – 21 ملن. قالعان سوماعا ىستەلۋى ءتيىس جۇمىستار ىستەلمەگەن»، - دەدى وبلىستىق ەكونوميكالىق تەرگەۋ دەپارتامەنتىنىڭ باستىعى نۇرىمجان اباتوۆ.

ال پەتروپاۆل حالىقارالىق اۋەجايى قازاقستان مەن رەسەيدىڭ 15-ايماقارالىق ىنتىماقتاستىق فورۋمى قارساڭىندا كۇردەلى جوندەۋدەن وتكەن بولاتىن. بۇل ماقساتقا ەل قازىناسىنان 1،1 ملرد تەڭگە ءبولىندى. ءبىراق قارجىنىڭ ءبىر بولىگى قولدى بولعان. ناقتىراق ايتساق، 68 ملن تەڭگە جوق. بۇل اقشاعا قۇجاتتا كورسەتىلگەن قوندىرعىلار قويىلماعان. وسى جايتقا بايلانىستى كاسىپكەرلەر تەكسەرۋشى تاۋەلسىز ساراپشىلارعا پارا بەرەمىز دەپ ۇستالدى. ولار ماسەلەنى وڭتايلى شەشۋ ءۇشىن 500 مىڭ تەڭگە ۇسىنعان.

ەكى كاسىپكەر مەملەكەتكە 68 ملن تەڭگە قايتارىپ بەردى. سوتتا ولاردىڭ كىناسى دالەلدەنىپ، ءارقايسىسى 6 جىل شارتتى تۇردە جازا الدى. 

بيىل ەكونوميكالىق تەرگەۋ دەپارتامەنتىمەن تەرگەلگەن قىلمىستىق ىستەردىڭ سوتقا جەتۋى 20%-عا ارتىپ وتىر.

ۇسىنعان: مارجان سابەت