اتىراۋ وبلىسى پوليسيا دەپارتامەنتىنىڭ باسشىسىنا قاتىستى تەرگەۋ جۇمىستارى جۇرگىزىلۋدە دەپ جازادى Qamshy.kz اقپارات اگەنتتىگى. الەۋمەتتىك جەلىدە اتىراۋ وبلىسى پوليسيا دەپارتامەنتىنىڭ باسشىسى ايان دۇيسەنبايەۆقا ۇقساس ادامعا ات مىنگىزگەن ۆيدەو تارالادى.
ۆيدەودان فورما كيگەن ادامنىڭ اتقا ءمىنىپ، حالىق قوشەمەتىنە بولەنگەنىن كورۋگە بولادى. قازاقستاننىڭ ءىىم اتالمىش ۆيدەوعا قاتىستى تۇسىنىكتەمە بەردى.
"ىشكى ىستەر مينيسترلىگى اتىراۋ وبلىستىق پوليسيا دەپارتامەنتىنىڭ باستىعى ايان دۇيسەنبايەۆقا قاتىستى ۆيدەو الەۋمەتتىك جەلىدە جاريالانۋىنا بايلانىستى قىزمەتتىك تەرگەۋ جۇرگىزۋ ءۇشىن وڭىرگە اتتاندى"، - دەلىنگەن حابارلامادا.
ايان دۇيسەنبايەۆ وسىعان دەيىن دە باسى داۋعا قالعان بولاتىن. 2018 جىلى ايان دۇيسەنبايەۆتىڭ كازينودا 1 200 000 دوللارىنان 3 ساعاتتا ايرىلعان ۆيدەوسى الەۋمەتتىك جەلىدە قىزۋ تالقىعا ءتۇستى. كەيىن ءىىم 2014 جىلى ايان دۇيسەنبايەۆتىڭ مينسك قالاسىندا دوسىمەن بىرگە دەمالىستا بولعانىن ايتتى. سونداي-اق ايان دۇيسەنبايەۆتىڭ كازينودا ويناماعانىن مالىمدەدى.
وقي وتىرىڭىز:
♦كازينودا $ 1 200 000 كۇلىن كوككە ۇشىرعان ءبىزدىڭ شەندى مە؟ (ۆيدەو)
♦توقايەۆتىڭ "قۇپيا" يشاراسىنىڭ ماعىناسى قانداي؟ (فوتو)
دايىنداعان: اسەل بولات قىزى
پىكىر قالدىرۋ