14-مامىر كۇنى ق ر پرەزيدەنتتىگىنە ۇمىتكەر ءامىرجان قوسانوۆتىڭ يۋتۋبتاعى Exclusivekz اتتى ارناسىنا كەزەكتى قوناق رەتىندە بەلگىلى ساياساتكەر دوس كوشىمدى شاقىرىپ، ءبىرقاتار تاقىرىپتاردى تارقاتتى دەپ حابارلايدى Qamshy.kz اقپارات اگەنتتىگى.

ءامىرجان قوسانوۆتىڭ ەلدە بولىپ جاتقان سوڭعى جاڭالىقتار تۋرالى قويعان سۇراعىنا دوس كوشىم توسىلماي-اق جاۋاپ بەردى.

"ءسوزىمدى "جىنىمدى كەلتىرمەشى، بلين" دەپ باستاعىم كەلىپ وتىر. سوڭعى كەزدەرى باسشىلاردىڭ تۇرپايىلىعى، انايىلىعى بەلەڭ الىپ بارادى. دەگەنمەن، حالىقتىڭ دا كوزى، قۇلاعى اشىلعان سياقتى. استاناداعى بەس بالانىڭ تراگەدياسىنان كەيىن ەلدىڭ ەڭسەسى تىكتەلىپ، ءوز ويلارىن باتىرىڭقىراپ ءارى باتىلىراق ايتىپ ءجۇر"، - دەدى ول.

اڭگىمە تىزگىنى قوسانوۆقا كوشىسىمەن، ول جاريا تۇلعالاردىڭ (مينيسترلەر، ۆيسە-مينيسترلەر، ورىنباسارلار) مادەنيەتسىزدىگى تۋرالى ءسوز ەتتى. ولاردىڭ حالىق جىنىنا تيە باستاعان ۋاقىتىن دا ناقتىلاپ بەرگەن. ايتۋىنشا، بۇل ۋاقىت بەس بالانىڭ تراگەدياسىمەن تۇسپا-تۇس كەلەدى.

"مۇنىڭ ءبارى جاۋاپكەرشىلىكتىڭ جوقتىعىنان عوي. ءبىر سوزبەن ايتقاندا، قازاق مۇندايلاردى "كورگەنسىز" دەگەن. اتا-اناسىنا ءتىل تيگىزبەيمىن. ءبىراق ولاردىڭ ءدال قازىرگى جاساپ جاتقان ارەكەتىن ەشبىر جولمەن اقتاپ الۋ مۇمكىن ەمەس"، - دەپ تاقىرىپ نۇكتەسىن قويدى دوس كوشىم.

اڭگىمە ءارى قاراي پوليسيا قىزمەتكەرلەرىنىڭ بولماشى نارسەلەر ءۇشىن ازاماتتاردىڭ زاڭدى قۇقىعىن شەكتەپ، ونى اياققا تاپتاپ جۇرگەنى تۋرالى ماسەلەلەر ءسوز بولدى.

وقىرماندارعا تۇسىنىكتى بولۋى ءۇشىن باعدارلامانىڭ تولىق نۇسقاسىن ۇسىنعاندى ءجون كوردىك.

ۇسىنعان: ادىلەت مادەنيەت