جاقىندا ماڭعىستاۋ وبلىسى اكىمى اليك ايداربايەۆ «نوبەل قورىنىڭ» ەسكەرتكىش مەدالىمەن ماراپاتتالدى. بۇل تۋرالى «قامشى» پورتالى حابارلايدى.

قۇرمەتتى ماراپاتتى ايماق باسشىسىنا ايگىلى الفرەد نوبەلدىڭ شوبەرە تۋىسى ليۋدۆيگ فيليپپ نوبەل تاپسىرعان. ول ءازىربايجان استاناسى باكۋدە نوبەلدىڭ مۇناي كومپانياسىن، سانكت-پەتەربوردا نوبەلدىڭ وندىرىستىك  يمپەرياسىنىڭ نەگىزىن قالاۋشى بولىپ تابىلادى. ماراپاتتاۋ ءراسىمى اتالمىش كومپانيانىڭ قۇرىلعانىنا 97 جىل تولۋى قارساڭىندا – اقتاۋداعى ءازىربايجان ەلشىلىگى عياماراتىندا  وتكەن.

قازاقستانداعى «ءازىربايجان كاسىپكەرلەر اسسوسياسياسى» مەن ءازىربايجان ەلشىلىگىنىڭ ۇسىنىسى بويىنشا «نوبەل قورىنىڭ» ەسكەرتكىش مەدالى – ماڭعىستاۋ وبلىسى اكىمى سەرىك ۇلى اليك ايداربايەۆقا تابىستالعان.

«بۇل مەدال جىل سايىن اتالمىش قوردىڭ جانە نوبەل اۋلەتى مۇشەلەرىنىڭ  شەشىمىمەن تابىستالادى. بيىل بۇل مەدالدى ماڭعىستاۋ وبلىسى اكىمىنە، وڭىردەگى مۇناي ءوندىرۋ سالاسىن دامىتقانى ءۇشىن، العىس رەتىندە بەرىلىپ وتىر. بىلەسىزدە، 1899 جىلى ءبىزدىڭ اتامىز الفرەد نوبەل تۇڭعىش بولىپ، شالعايدا جاتقان قاراشوڭگەلدە مۇناي بۇرعىلاۋ ىسىنە كىرىسىپ، العاشقى مۇناي بۇرقاعىن اشقان بولاتىن. سول ۋاقىتتان بەرى قازاقستان الەمدەگى ەڭ ءىرى مۇناي دەرجاۆاسى اتانىپ كەلەدى. ءبىز ءبارىمىز مۇنىمەن ماقتانامىز»،-دەيدى فيليپپ نوبەل.