بۇگىن قازاقستاندا ۇلتتىق ءبىرىڭعاي تەستىلەۋ باستالدى. ۇبت 2-8 ماۋسىم ارالىعىندا وتكىزىلەدى. 2004 جىلدان باستاپ، 11 جىلدىڭ ىشىندە ۇبت-عا 1 ميلليون 422 مىڭ مەكتەپ ءبىتىرۋشى قاتىسقان، بۇل بىتىرۋشىلەردىڭ جالپى سانىنىڭ 80 پايىزىن قۇرايدى. اعىمداعى جىلى ۇبت وتكىزۋ پۋنكتتەرىنىڭ سانى تاعى 10-عا كوبەيدى، ولار وبلىستاردىڭ شالعاي اۋداندارىندا: اقتوبە (العا، مارتوك، قارعالى اۋداندارى)؛ الماتى وبلىسى (ىلە اۋدانى)؛ اتىراۋ (يساتاي اۋدانى)؛ قاراعاندى (اقتوعاي اۋدانى)؛ قىزىلوردا (جالاعاش اۋدانى)؛ شىعىس قازاقستان (اباي اۋدانى، كۋرچاتوۆ قالاسى) جانە سەمەي قالاسىنىڭ قازاق يننوۆاسيالىق گۋمانيتارلىق-زاڭ ۋنيۆەرسيتەتىنىڭ بازاسىندا اشىلدى. جالپى مۇنداي پۋنكتتەر سانى رەسپۋبليكادا 165-كە جەتتى، ونىڭ 116-سى اۋدان ورتالىقتارىندا، 49-ى وبلىس ورتالىقتارىندا جانە استانا مەن الماتى قالالارىندا ورنالاسقان. ەستەرىڭىزگە سالا كەتەيىك، ۇبت-نى وتكىزۋ قاعيدالارىنا وزگەرىستەر ەنگىزىلگەن بولاتىن. بيىلدان باستاپ كامەلەتتىك اتتەستاتقا ۇبت مەن ءپان بويىنشا جىلدىق باعانىڭ قورىتىندىسى بويىنشا ورتاشا اريفمەتيكالىق سوماسىنداعى قۇرامدىق باعا قويىلادى. داۋ تۋدىراتىن جاعدايدا باعانى دوڭگەلەكتەۋ كوتەرۋ جاعىنا جاسالادى. ۇبت-نىڭ فورماتى وزگەرگەن جوق. جىل سايىن تەست تاپسىرمالارىنىڭ بازاسى 20-30%-عا جاڭارتىلىپ وتىرادى.

بيىلدان باستاپ كامەلەتتىك اتتەستاتقا ۇبت مەن ءپان بويىنشا جىلدىق باعانىڭ قورىتىندىسى بويىنشا ورتاشا اريفمەتيكالىق سوماسىنداعى قۇرامدىق باعا قويىلادى.

وبلىس ورتالىقتارىندا جانە استانا مەن الماتى قالالارىندا ۇبت وتكىزۋ كەزىندە مەكتەپ بىتىرۋشىلەر مەن ولاردىڭ اتا-انالارىنىڭ وتىنىشتەرى مەن شاعىمدارىنا جەدەل دەن قويۋ ءۇشىن ۇبت-نى وتكىزۋ جانە ۇيلەستىرۋ جونىندەگى  شتابتار قۇرىلادى. مينيسترلىك جانىنان رەسپۋبليكالىق شتاب جۇمىس اتقارادى. 2015 جىلدان باستاپ ۇبت قورىتىندىسى قۇپيا اقپارات بولادى، ونى جەكە سايكەستەندىرۋ ءنومىرى (جسن) بويىنشا عانا بىلۋگە بولادى. العان بالل تىزىمىندە ءبىتىرۋشىنىڭ تەگى جسن-مەن الماستىرىلادى. سونداي-اق، ۇبت قورىتىندىسى ۇلتتىق تەستىلەۋ ورتالىعىنىڭ www.testcenter.kz سايتىندا جاريالاناتىن بولادى. سەرۆيسكە قول جەتكىزۋ ءۇشىن جسن مەن ەمتيحان باستالار الدىندا بەرىلەتىن جەكە كودتى ەنگىزۋ تالاپ ەتىلەدى.

2015 جىلدان باستاپ ۇبت قورىتىندىسى قۇپيا اقپارات بولادى، ونى جەكە سايكەستەندىرۋ ءنومىرى (جسن) بويىنشا عانا بىلۋگە بولادى.

2015 جىلى قازاقستاندا مەكتەپتى 124 379 تۇلەك ءبىتىردى؛ ونىڭ ىشىندە ۇبت-عا قاتىسۋعا 87 782 ءوتىنىش بەرىلدى، ول مەكتەپ بىتىرۋشىلەردىڭ جالپى سانىنىڭ 71% قۇرايدى. ونىڭ 62 384ء-ى قازاق تىلىندە، 25 398ء-ى ورىس تىلىندە وقىعان مەكتەپ بىتىرۋشىلەر. 2015 جىلى ۇبت-عا العاش رەت 12 جىلدىق ءبىلىم بەرۋ باعدارلاماسى بويىنشا ءبىلىم العان بىتىرۋىشلەر قاتىسادى. ولارعا ارنالىپ 12 جىلدىق ءبىلىم بەرۋ باعدارلاماسى نەگىزىندە تەست تاپسىرمالارى بازاسى ازىرلەندى.