ەكى كۇن شاماسىندا جەلى قولدانۋشىلارى ەشقانداي جازبا جاريالاماي، حالىققا ەشقانداي مالىمدەمە جاساماي جۇرگەنىنە كىشىگىرىم رەنىش بىلدىرگەن. بۇگىن ءامىرجان قوسانوۆ ءوزىن ىزدەپ جاتقان جاناشىرلارىنا جاۋاپ بەردى دەپ حابارلايدى Qamshy.kz اقپارات اگەنتتىگى.

"مەنى فەيسبۋكتا جوعالتىپ الدىق، "ول قايدا ءجۇر" دەگەندەي اڭگىمەلەر ەستىپ جاتىرمىن. وسىنىڭ الدىندا الماتى قالاسىندا بولعانبىز. بۇگىن، مىنە، شتابتىڭ وكىلدەرىمەن بىرگە پويىزبەن قوستاناي قالاسىنا كەلدىك"، - دەدى ۇمىتكەر.

سونداي-اق، ول ءوزىنىڭ قوستاناي وڭىرىنە كەلگەن ساپارى ماڭىزدى ەكەنىن جەتكىزدى. سوزىنە سەنسەك، قازاقستاننىڭ رەسەيمەن شەكارالاس جاتقان ايماقتارىنداعى ۇلتتىق-دەموكراتيالىق ماسەلەلەر اقساپ تۇر ەكەن.

سونىمەن قاتار، ءامىرجان قوسانوۆ قوستاناي وبلىسىنىڭ ەل ەكونوميكاسىنداعى ۇلەس-سالماعى جايلى ايتىپ، بۇل ساپاردا ءبىرقاتار ماسەلەلەر شەشىلىپ، حالىقپەن، قولداۋشىلارمەن جولىعاتىنىن جەتكىزدى.

ءوز جاقتاستارىنا العىس بىلدىرگەن ۇمىتكەر ءسوزىن كەلەسى ۇرانمەن تۇيىندەدى: "قوستاناي قوسانوۆتى قولداسا، قازاقتىڭ كوسەگەسى كوگەرەدى".

دايىنداعان: ادىلەت مادەنيەت