Facebook پاراقشاسىندا سايدا ميرزيەيەۆا شەتەل تاجىريبەسى مەن مامانداردىڭ پىكىرىن العا تارتىپ، "ءبىزدىڭ مينيسترلىك پەن مەكەمەلەردىڭ باسپا ءسوز قىزمەتىنىڭ جۇمىسى وتە تومەن دەڭگەيدە ەكەنىن مويىنداۋعا تۋرا كەلەدى" دەپ اتاپ وتكەن.
"باسپا ءسوز قىزمەتى جەتەكشىلەرىنىڭ كوبى باق-پەن جۇمىس قاجەتتىگىن تۇسىنبەيدى. حالىق ەلدە بولىپ جاتقان رەفورمالاردى جەتكىلىكتى بىلمەيدى. پرەزيدەنت پەن ۇكىمەت قابىلداپ جاتقان شەشىمدەر حالىققا دۇرىس جەتىپ جاتقان جوق. اقپارات دۇرىس جەتپەگەندىكتەن حالىقتا ەكىۇداي پىكىر قالىپتاسادى"، - دەپ جازادى ميرزيەيەۆا.
ول باسپا ءسوز قىزمەتىنىڭ جۇمىسىنا قاتىستى قوسىمشا قۇقىقتىق-نورماتيۆتىك قۇجات قابىلداۋ كەرەكتىگىن العا تارتىپ، بۇل باعىت بويىنشا جۇمىستاردىڭ باستالىپ كەتكەنىن جەتكىزدى.
پرەزيدەنتتىڭ ۇلكەن قىزى سايدا ميرزيەيەۆا بيىل ءساۋىر ايىندا اقپارات جانە بۇقارالىق بايلانىس اگەنتتىگى ديرەكتورىنىڭ ورىنباسارى قىزمەتىنە تاعايىندالعانى بەلگىلى.
ۇسىنعان: اسەل بولات قىزى
پىكىر قالدىرۋ