جاستار جىلى اياسىندا «قازفوسفات» جاۋاپكەرشىلىگى شەكتەۋلى سەرىكتەستىگى ءوندىرىس سالاسىندا جۇرگەن وزىق ويلى، ونەرتاپقىشتىق قاسيەتى بار جاسى 35-كە دەيىنگى ازاماتتار اراسىندا «بولاشاق ءبىزدىڭ قولىمىزدا» اتتى كونكۋرس وتكىزدى. جالپى، سەرىكتەستىكتە 6 223 ادام ەڭبەك ەتسە، ونىڭ 2 167ء-سى 18-35 ارالىعىنداعى جاستار. كونكۋرستىڭ العاشقى كەزەڭىندە وسى كومپانيادا جۇمىس ىستەيتىن 70-كە جۋىق جاس كونكۋرستىڭ ءبىرىنشى كەزەڭىندە وزدەرىنىڭ 59 كرەاتيۆتى جوبالارىن ۇسىنىپ، سونىڭ ىشىندە 35ء-ى اقتىق سىنعا وتكەن بولاتىن. ال فينالعا وتكەندەر ءوز جوبالارىن ارنايى قۇرىلعان كوميسسيا الدىندا قورعادى. اتالعان كوميسسيانىڭ جانە «قازفوسفات» ءجشس-نىڭ باسقارما ءتوراعاسى ماقسۇتبەك ەسەنوۆ بۇل جاستار جىلىنا ارنالعان اۋقىمدى جوبا ەكەنىن ايتا كەلە، اقتىق اينالىمعا شىققاندارعا ساتتىلىك تىلەدى.
– جوبانىڭ ماقساتى – كومپانيادا ەڭبەك ەتەتىن جاستاردىڭ ءوزىن-وزى دامىتۋىنا جاعداي جاساۋ. كوشباسشىلىق قابىلەتىن ارتتىرىپ، ىسكەرلىك بەلسەندىلىگىن، قارىم-قابىلەتىن، جوبالاۋ داعدىلارىن قالىپتاستىرۋ جانە شىعارماشىلىق ۇجىمدا ادىس-تاسىلدەرىن جەتىلدىرىپ، يدەيالارىن قاناتتاندىرۋ. بۇدان بولەك جاستاردىڭ يدەياسى ارقىلى قوعامداعى نەمەسە كومپانياداعى تەحنيكالىق، ەكونوميكالىق، الەۋمەتتىك سەكىلدى سان ءتۇرلى سالاداعى وزەكتى ماسەلەلەردى شەشۋ. وسى كونكۋرستىڭ ارقاسىندا جاستار تەك قىزمەتكەر بولىپ قانا قويماي، وزەكتى ماسەلەلەردى شەشۋدە باسشىلىق قابىلەتكە يە ەكەنىن دە كورسەتە الاتىنىنا سەنىمدىمىن، – دەيدى كوميسسيا ءتوراعاسىنىڭ ورىنباسارى، «قازفوسفات» ج ش س باس ديرەكتورى مۇقاش ەسكەندىروۆ.
وزدەرىنىڭ كرەاتيۆتى يدەيالارى مەن ۇتىمدى ۇسىنىستارىن كوپتىڭ تالقىسىنا سالعان ونەرتاپقىشتىڭ ءبىرى – «قازفوسفات» ج ش س مينەرالدى تىڭايتقىش زاۋىتى باس ەنەرگەتيگىنىڭ ورىنباسارى ابزال قونىسبايەۆ. ول ءوز جوباسىندا ءوندىرىس ورنىنداعى جۇك كوتەرگىش مەحانيزمدەردەگى پايدالانىلاتىن سىمداردى الىپ تاستاپ، ونىڭ ورنىنا قابىلداعىش جانە جىبەرگىش سيگنالداردى ەنگىزۋ ارقىلى مەحانيزمدى پۋلتپەن باسقارۋ ۇسىنىلعانىن ايتادى.
– كونكۋرسقا جاستار ەكولوگيالىق، الەۋمەتتىك، تەحنيكالىق، ەلەكترلىك، مەحانيكالىق جانە وندىرىستىك سالالار بويىنشا ءوز جوبالارىن اكەلىپ قورعاپ جاتىر. نەگىزىنەن مەنىڭ جوبام سىمسىز باسقارۋ دەپ اتالادى. بۇل جۇك كوتەرگىش زاتتاردى پۋلت ارقىلى الىستان باسقارۋ. اتالعان جاڭا قۇرىلعى العاش مينەرالدى تىڭايتقىش زاۋىتىندا قولدانىلىپ، ءقازىر وڭىردەگى ءوندىرىس ورىندارىنىڭ سەكسەننەن استام نۇكتەلەرىندە پايدالانۋعا ەنگىزىلىپ ۇلگەردى. وسى قۇرىلعى ارقىلى 600-900 كەلىلى تارتاتىن جۇكتى اشىق ۆاگوندارعا ارتۋعا بولادى. بۇل ءوز كەزەگىندە ەڭبەك ونىمدىلىگىن ارتىراتىنى انىق، – دەيدى ابزال قامبار ۇلى.
كونكۋرس ناتيجەسىندە ءبىرىنشى ورىندى جاڭا جامبىل فوسفور زاۋىتى ءوندىرىس ءبولىمىنىڭ ينجەنەرى رومان سىرسوۆ جەڭىپ الىپ، 300 مىڭ تەڭگە جۇلدە قورىمەن ماراپاتتالدى. ال ەكىنشى ورىن مينەرالدى تىڭايتقىش زاۋىتىنىڭ لابورانتى ۆەرا دالينگەرگە بۇيىرىپ، 200 مىڭ تەڭگە قارجىلاي سىيلىققا يە بولدى. «قاراتاۋ» تاۋ-كەن ءوندىرىسىنىڭ باقىلاۋ-ولشەۋ قۇرىلعىلارى جانە اۆتوماتيكا ءبولىمىنىڭ باسشىسى نۇرگەلدى ساتتارحانوۆ ءۇشىنشى ورىنعا لايىق دەپ تانىلىپ، 100 مىڭ تەڭگە يەمدەندى. بۇدان بولەك جاڭا جامبىل فوسفور زاۋىتىنىڭ لابورانتى اقتولقىن داۋلەتوۆا «ۇزدىك الەۋمەتتىك جوبا» جانە «قازفوسفات» ج ش س تاراز ءوفيسىنىڭ باعدارلاماشى-كەڭەسشىسى انەل ەرجانوۆا «الەۋمەتتىك ماڭىزى بار جوبا» اتالىمدارى بويىنشا ماراپاتتالىپ، ولارعا دا 100 مىڭ تەڭگەدەن بەرىلدى.
باقىت جالعاس
