اقتوبە وبلىسىنداعى ىرعىز اۋدانىندا ەندى مال قىرىلىپ جاتىر.
بىرەر كۇن ىشىندە اۋدانداعى شارۋا قوجالىقتارى مەن جەكەنىڭ قولىنداعى مالداردىڭ باسى ءىسىنىپ، قۇلاي باستاعان. ءقازىر قىرىلعان مال سانى جيىرما باستى قۇراپ وتىر. ماماندار ءتورت تۇلىكتىڭ نەدەن قىرىلىپ جاتقانىن تاپ باسىپ ايتا الماۋدا. ولار ولەكسەلەردەن سىناما الىپ زەرتتەمەكشى. ايتا كەتەيىك، ءدال وسى ىرعىز اۋدانىندا بۇعان دەيىن كيىك قىرىلىپ قالعان ەدى. ءبىراق جەرگىلىكتى بيلىك مالدىڭ قىرعىنىن ازىرگە ونىمەن بايلانىستىرىپ وتىرعان جوق. «كيىكتىڭ قىرىلۋىمەن ناقتى بايلانىستارا المايمىز. ونى ءالى تەكسەرۋ كەرەك. بۇرىن اۋداندا ءتورت تۇلىكتىڭ مۇنداي كوپ ولگەن كەزى بولماعان ەدى»، - دەيدى ىرعىز اۋدانىنىڭ اكىمى مەيىرحان دۋانبەكوۆ.
BNews.kz
