تىزىمدە كوش باستاپ تۇرعان جۇلدىزداردىڭ ءبىرى – وقىرمانى ەڭ كوپ سانالىپ جۇرگەن بەلگىلى پروديۋسەر بايان ەسەنتايەۆا. ءدال قازىرگى ۋاقىتتا پروديۋسەردىڭ 764 000 وقىرمانى بار. كۇندەلىكتى تىرلىكتەرىمەن وقىرماندارىمەن ءجيى تانىستىرماسا دا، جاسالىپ جاتقان جۇمىستارى مەن جەتىستىككە جەتىپ جۇرگەن جوبالارى جايىندا ايتىپ وتىرادى. اندا-ساندا جاستىق شاعىن ەسكە الىپ، سۋرەتتەر سالىپ قوياتىنى بار. وتباسى دا تانىمال تۇلعالار قاتارىنا ەندى. اينۇر تۇرسىنبايەۆا. بەلگىلى ايتىسكەر اقىن اينۇر تۇرسىنبايەۆانىڭ دا جاستارعا ايتار اقىل-كەڭەسى جەتكىلىكتى. وقىرمانى 238 000-عا جەتىپتى. دەنساۋلىققا، ادەمىلىككە قاتىساتى جازبالاردى ءجيى سالىپ، وقىرماندارىنىڭ العىسىنا بولەنىپ جۇرگەنى راس. سونىمەن قاتار، اينۇر جاقسى اسپاز، ناعىز قازاقتىڭ وتباسىن بەرىك ۇستاپ وتىرعان ايەل رەتىندە ءوزىن تانىتىپ ۇلگەرگەن. اندا-ساندا ونەر ادامدارىن دا جارنامالاپ قويادى. مۇحامەدجان تازابەك. “اسىل ارنا” رۋحاني اعارتۋشىلىق تەلەارناسىنىڭ ديرەكتورى مۇحامەدجان تازابەك تە عالامتور بەلسەندىلەرىنىڭ قاتارىندا. وقي جۇرسەك اقىندىق ونەرىمەن، ادەمى ءسوز ساپتاۋىمەن جاستاردى ىلىمگە شاقىرىپ، ۇلگى-ونەگە كورسەتىپ كەلەدى. وقىرماندار سانى 84 000. اسحات سادىرباي. ەلدە بولعان ەلەۋلى دۇنيەلەردى ۋاقىتىندى جەتكىزىپ، وقىرماندارىمەن ءبولىسىپ وتىراتىنداردىڭ قاتارىندا بەلگىلى جۋرناليست اسحات سادىرباي دا بار. قوعامدا قىزۋ تالقىعا تۇسەتىن وزەكتى ماسەلەلەرگە دە بەيجاي قارامايدى. ونەر جۇلدىزدارىنا قىزىقتى ايدارلار دايىنداپ، جاڭالىقتارىن جەدەل  جەتكىزىپ جۇرگەن جايى بار. وقىرمانى 139 000. ساكەن مايعازييەۆ. ەل نازارىنان تىس قالمايتىنداردىڭ اراسىنان ءانشى ساكەن مايعازييەۆتى اتاپ وتۋگە بولادى. وقىرمانى 431 000. كونسەرت، مەرەكەلىك جيىندار، قازاقتىڭ تويىندا بولسىن مايعازييەۆتى بايقاماۋ مۇمكىن ەمەس. عالامتور جەلىسىندە قوعامدىق ماسەلەلەرگە بەيجاي قارامايتىنىمەن كوزگە تۇسكەن. اعالىق بۋىننىڭ تىزگىنىن ۇستاپ ونەرلى جاستاردى قولداپ، اقىلىن ايتىپ، جول كورسەتىپ جۇرگەن جايى بار. بالاجان، قامقور اكە ەكەنىنە دە كوپشىلىكتىڭ كوزدەرى جەتكەن.