قىتايدا بيىل 9 ميليون 420 مىڭ وقۋشى جوعارى مەكتەپكە ءتۇسۋ ەمتيحانىن تاپسىردى، (بىزشە ۇبت) بۇل قازاقستاندا تۇراتىن قازاقتاردىڭ جالپى سانىنا تاياۋ.

ال ەندى قىتايدا بۇل ەمتيحان قالاي وتەدى؟ وسىعان ازداپ توقتالساق. تۇلەك جالپى 6 پاننەن ەمتيحان تاپسىرادى، وقۋشىنىڭ تاڭداعان باعىتىنا (قوعامدىق نەمەسە جاراتىلىستانۋ) سايكەس پاندەرىندە وزگەشەلىكتەر بولادى، ادەبيەت، ماتەماتيكا، شەت ءتىلى بۇل ۇشەۋى ەكى باعىتقا دا ورتاق، قوعامدىق باعىتتى تاڭداعاندار جوعارىداعى 3 پانگە قوسا تاريح، ساياسات، گەوگرافيا پاندەرىنەن تاپسىرسا، جاراتىلىستانۋ باعىتىن تاڭداعاندار بيولوگيا، فيزيكا، حيميانى قوسا تاپسىرادى.

ەمتيحان مەملەكەت بويىنشا ءبىر مەزگىلدە باس اياعى 3 كۇنگە جالعاسادى. ءار كۇنى ەكى پاننەن تاپسىرادى، ءار ءپاننىڭ ەمتيحان تاپسىرۋ ۋاقىتى 120 مينۋتقا سوزىلادى، سوندا وقۋشى 12 ساعات ەمتيحان تاپسىرادى دەگەن ءسوز.

ەمتيحان سۇراقتارىنىڭ فورماسى بىرنەشە ءتۇرلى؛

• ·دۇرىس ءبىر عانا جاۋابىن تابۋ (تەست).
• ·بىرنەشە دۇرىس جاۋابىن تابۋ.
• ·بوس ورىن تولتىرۋ.
• ·سۇراققا جاۋاپ جازۋ.

. شەت ءتىلىنىڭ ەمتيحان سۇراقتارى. . تاريح ءپانىنىڭ سۇراقتارى . ماتەماتيكا ءپانىنىڭ سۇراقتارى بۇدان سىرت شەت ءتىلى مەن ادەبيەت پاندەرىندە شاعىن شىعارما جازۋ تاپسىرماسى بار. ءار تاپسىرماعا قانشا بال بەرىلەتىندىگى كورسەتىلىپ تۇرادى. ءار ءپاننىڭ تولىق بالى 150 بال، 6 پاندىكى 900 بال. جىل ساينعى ءبىلىم كورسەتكىشىنە بايلانىستى، وقۋشىلاردىڭ جوعارعى وقۋ ورنىنا تۇسە الاتىن ەڭ تومەنگى شەگى بەلگىلەنەدى. وسى ەڭ تومەنگى شەكتەن وتسەڭىز دە تاڭداعان ۋنيۆەرسيتەتىڭىزدە اقى تولەپ وقيسىز، نەگە دەيسىز عوي، ويتكەنى قىتايدا گرانتپەن وقۋ دەگەن ۇعىم جوق، بارلىعى ستۋدەنت اقىلى بولىمدە وقيدى، دەيتۇرعانمەن ستۋدەنت ءوزىن وقىتۋعا كەتەتىن قارجىنىڭ بەلگىلى ءبىر ءبولىمىن عانا تولەۋگە مىندەتتەلەدى، قالعانىن ۇكىمەت كوتەرەدى. ، سۋرەتتەر www.gaokao.com سايتىنان الىندى. قاسەن سەرجان