كوپ ادام جىلىنا ءبىر رەت قانا دەمالىسقا شىعۋعا مۇمكىندىك الادى. "قايدا بارامىز؟ نە كورەمىز؟" دەپ ويلانا باستايدى.

"قامشى" نازارلارىڭىزعا الەمدىك تۋريزم ۇيىمىنىڭ مالىمەتىنە سۇيەنە وتىرىپ تۋريستەردىڭ ەڭ كوپ باراتىن 10 مەملەكەتتىن ۇسىنادى.

10-ورىن. تايلاند

جىل ىشىندە كەلەتىن تۋريستەر سانى: 26،5 ميلليون.

تايلاند – وڭتۇستىك-شىعىس ازيانىڭ ەڭ تانىمال كۋرورتى. تۇرعىن ۇيلەرى مەن تاماقتانۋى ارزان بولسا، ەڭ كوپ اقشا بيلەتكە جۇمسالادى. تايلاندتاعى ەڭ تانىمال جەرلەرى: پحۋكەت، پاتتاييا جانە بانگكوك.

9-ورىن. رەسەي

 جىل ىشىندە كەلەتىن تۋريستەر سانى: 28، 4 ميلليون.

الەمنىڭ ەڭ ءىرى مەملەكەتىنە تۋريستتەر بىرىنشىدەن ماسكەۋ مەن سانكت-پەتەربۋرگتى كورۋ ءۇشىن بارادى. تۋريستەر اراسىندا كازان مەن سوچي دا وتە تانىمال.

8-ورىن. ۇلىبريتانيا.

جىل ىشىندە كەلەتىن تۋريستەر سانى: 31،2 ميلليون.

ۇلىبريتانيانىڭ لوندون قالاسى الەمدەگى ەڭ تانىمال قالاسى بولىپ تابىلادى. تۋريستەر مەن ساياحاتشىلاردى وسى ارالدا نە قىزىقتىرادى ەكەن؟ ارينە مۇرادا قالعان ورتا عاسىر قورعاندارىنىڭ ۇلكەن تاريحى، سونىمەن قاتار باستى جۇمباق – ستوۋنحەندج قىزىقتىرادى ەكەن.

7-ورىن. گەرمانيا

جىل ىشىندە كەلەتىن تۋريستەر سانى: 31،5 ميلليون.

گەرمانيادا بارىپ كورەتىن جەرلەرى جەتكىلىكتى. ەڭ الدىمەن ول باۆاريا مەن بەرلين. قىستا تاۋ شاڭعى كۋرورتتارى ايگىلى بولسا، كۇزدە وكتوبەرفەستكە بارسا بولادى. ۇلىبريتانياداعى سياقتى گەرمانيادا دا ورتا عاسىرعى قورعاندارى وتە كوپ، سونىڭ ءبىرى – نويشۆانشتاين قورعانى.

6-ورىن. تۋركيا

جىل ىشىندە كەلەتىن تۋريستەر سانى: 37،8 ميلليون.

تۇركيادا تاريحتاعى سانى كوپ انتيكالىق ەسكەرتكىشتەرى ساقتالىپ قالعان. ستامبۋل ەۋروپاداعى ەڭ ءىرى جانە ادامدار ءجيى باراتىن قالالاردىڭ ءبىرى، سونىمەن قاتار جەرورتا تەڭىزىنىڭ جاعاسىندا ورنالاسقان مەرسين مەن انتالياعا تۋريستەر ءجيى بارادى.

5-ورىن. يتاليا

 جىل ىشىندە كەلەتىن تۋريستەر سانى: 47،7 ميلليون.

يتاليا ارزان باعالى ەمەس، ەۋروپانىڭ ەليتالىق كۋرورتى بولىپ ەسەپتەلەدى. تۋريستەر قىستا – الپادا سىرعاناۋعا، جازدا – جاعاجايلارعا كەلەدى. سونداي-اق ادامدار ميلان، ۆەنەسيا، ريم، فلورەنسيا، نەاپول جانە ت.ب. قالالارىن كورۋگە ساياحاتشىلار جىل بويى كەلىپ جاتادى.

4-ورىن. جۇڭگو

جىل ىشىندە كەلەتىن تۋريستەر سانى: 55،7 ميلليون.

جۇڭگو ادامداردى ءوزىننىڭ تاريحى مەن بىرەگەي مادەنيەتىمەن قىزىقتىرادى. ساياحاتشىلار مىندەتتى تۇردە ۇلى جۇڭگو قورعانىڭ، تەرراكوتا اسكەرىن جانە تىيىم سالىنعان قالانى كورۋگە ۇمتىلادى. ەگەر جلدارى بولىپ جاتسا تيبەتتى دە كورۋگە مۇمكىندىكتەرى بولادى، ءبىراق وعان ارنايى رۇقسات بەرىلۋى ءتيىس.

3-ورىن. يسپانيا

جىل ىشىندە كەلەتىن تۋريستەر سانى: 60،7 ميلليون.

ەۋروپالىقتار مەن امەريكالىقتاردىڭ اراسىندا يسپانيا قىمبات ەمەس، تانىمال مەملەكەت بولىپ ەسەپتەلەدى. تۋريستتەر كوبىنەسە بارسەلونا، مادريد جانە باسكتار مەملەكەتىنە كەلۋگە تىرىسادى. سالىستىرمالى ارزان جاعاجايلىق دەمالىس پەن قىمبات ەمەس ازىق-تۇلىك باعالارى سىزدەردى قۋانتادى.

2-ورىن. اقش

جىل ىشىندە كەلەتىن تۋريستەر سانى: 69،8 ميلليون.

اقش ۇلكەن مەملەكەت، تۋريستتەر باراتىن جەرلەر وتە كوپ. ول – ۇلكەن كانون، يەللوۋستوۋن جانارتاۋى، ءولىم اڭعارى جانە سونىمەن قاتار نيۋ-يورك، ماييامي، لاس-ۆەگاس، لوس-اندجەلەس قالالارى.

1-ورىن. فرانسيا

جىل ىشىندە كەلەتىن تۋريستەر سانى: 84، 7 ميلليون.

فرانسيا تۋريستەر اراسىنداعى ەڭ تانىمال مەملەكەت. ساياحاتشىلاردىڭ كوبىسى پاريج قالاسىنا جول تارتادى. فرانسيانىڭ كورىكتى جەرلەرى جەتكىلىكتى. جەرگىلىكتى تاعامدار، تابيعاتىنىڭ سۇلۋلىعى، قالالاردىڭ جىلى احۋالى تۋريستەردىڭ كوڭىلدەرىڭ اۋلايدى.

ايسۇلۋ تۇرسىنبايەۆا