14 عاسىردا التىن وردا، حورەزم، يران، اق وردا، جيدەلى بايسىنداعى امىرلىكتەردە ەكونوميكالىق جاعىنان ورتاق اقشا ايىرباس بولماعان سوڭ، ءبىراز قيىندىقتار تۋعىزىپتى. سونىڭ سالدارىنان وسى ورتالىق ازيادا ورتاق ۆوليۋتالىق اينالىمدار پايدا بولعان - دينار، ديرحەم جانە التىن دەسەدى. سوڭعىسى كوپ جۇرمەسە دە ءوز قۇنىن جوعارى ۇستاعان. ال كوبىنە كۇمىس اقشالار دينارلار جۇرگەن ەكەن. نەگىزى ورتاق ۆوليۋتا ماسەلەسى ءوز ۋاقىتىندا جاساندى جولمەن كەلمەيدى. ەكونوميكالىق قاجەتتىلىكتەردەن تۋىندايدى. ونىڭ العى-شارتتارى بار. الايدا، بۇگىنگى رەسەي تاراپىنان تىقپالانىپ جاتقان ورتاق ۆوليۋتا ماسەلەسى اسىعىستىق. بۇعان ەكونوميكالىق ەكسپەرتتەر ورتاسىنىڭ ناقتى جاۋابى بولۋى ءتيىس. جالپى كەز-كەلگەن ماسەلەنى تالقىلاساق. ونىڭ تاريحي دامۋ وقيعالارىمەن، نەگىزدەرىمەن تانىسۋ قاجەت. 14 عاسىرعا دەينگى موڭعول شاپقىنشىلىعى، ودان ۇلىستار مەن وردالاردىڭ، قالا امىرلىكتەرىنىڭ دامۋ تەندەنسيالارى، جاۋگەرشىلىكتەگى كۇيزەلىستەرى، الىم-سالىق مولشەرلەرى، كەرۋەن جولدارىنىڭ دامۋ اسەرى، اسكەري پروۆيزيا، ساياسي امبيسيا زارداپتارى، كەيبىر ايماقتارداعى كوشپەلى ۇردىستەن كۇشتەپ وتىرىقشىلاندىرۋلار، اگرارلى جۇيەلەردىڭ قولعا الىنۋى ت.س.س. فاكتورلار نارىقتىق ورتاقتىققا يتەرمەلەندى. ارينە، سول ءۇشىن كەدەن وداعى قۇرماسا دا، نەكەلەسۋ، جاۋلاپ الۋ، قىسىم كورسەتۋ ارقىلى، ورتاق نارىقتىق جۇيەلەردى ورناتۋلار جۇرگەن. كەيدە تاريح اينالىپ كەلە بەرەدى. ودان ارتىق ادامزات باسقا جولدارىن ءالى تاپپاعان. بىزگە كەرەگى ءوز مۇددەمىزدىڭ اعىمىمەن دامۋ عوي...

ماقسات جاقاۋ، Facebook پاراقشاسىنان