"قامشى.كز" پورتالىنىڭ حات قورجىنىنا ق ر ەڭبەك جانە حالىقتى الەۋمەتتىك قورعاۋ مينيسترلىگى كوشى-قون كوميتەتىنەن تومەندەگىدەي حات كەلىپ ءتۇستى.  ەلباسى نۇرسۇلتان نازاربايەۆتىڭ "ۇلى كوشىنىڭ" تىزگىنىن ۇستاپ وتىرعان مەكەمەنىڭ ءوتىنىشىن جەردە قالدىرمادىق. قۇلاعدار بولىڭىز، اعايىن! 

الىس-جاقىن شەتەلدەرمەن مادەني بارىس-كەلىستى نىعايتۋ جانە جەدەلدەتۋ ماقساتىنا جۇڭگودا تۇراتىن قازاق زيلى قاۋىم وكىلدەرىنىڭ مالىمەتتەرىن بىلگىمىز كەلەدى.

سوعان بايلانىستى، بىزگە جاڭا جۇڭگو قۇرىلعاننان بەرى ءوسىپ جەتىلگەن، ءقازىر كوزى ءتىرى قازاق زيالىلارىنىڭ كىتاپ بولىپ شىققان ەڭبەكتەرى، العان اتاقتارى جانە سىيلىقتارى تولىق قامتىلعان قىسقاشا جازىلعان ءومىرباياندارى كەرەك.

زيالى قاۋىم وكىلدەرى دەگەن بۇل توپقا ولكە دارەجەلىدەن جوعارى ماراپات العان، اكىمشىلىك قىزمەتتە ايماق ۋاليلىگىنەن جوعارى مىندەت وتەگەن، شىڭجاڭنىڭ بارلىق وڭىرىندە، ءار سالادا ەڭبەك سىڭىرگەن قوعام، مەملەكەت قايراتكەرلەرى، اقىن-جازۋشىلار، كوركەمونەرشىلەر، عىلىم-تەحنيكا، دەنساۋلىق ساقاتاۋ، اۋىل-مال شارۋاشىلىعى ءىسىنىڭ ۇزدىكتەرى مەن مايتالماندارى كىرەتىنىن ەسكەرتەمىز.

ءومىربايان كومپيۋتەرلىك ءۇش بەت كولەمىندە، كيريلل ارپىمەن ۇقىپتى جازىلسىن. سونىمەن بىرگە ءومىربايان يەسى ءبىر دانا ساپالى سۋرەتىن قوسىپ جىبەرۋى كەرەك.

سىزدەردىڭ وسى وتىنىشكە كومەكتەسۋلەرىڭىزدى سۇرايمىز.