وسكەمەن قالاسىنداعى ون قاباتتى ءۇيدىڭ ورتەنۋى سالدارىنان 6 ادام قۇتقارىلىپ، 26 ادام زالالسىزداندىرىلعان. ءورتتىڭ شىعۋىنا ەلەكتر سىمدارىنىڭ ورتەنۋى سەبەپ بولدى دەپ حابارلايدى Qamshy.kz اقپارات اگەنتتىگى Kazakhstan Today سايتىنا سىلتەمە جاساپ.

"18-ماۋسىم كۇنى ساعات 21:45-تە 101 پۋلتىنە وسكەمەن قالاسىنداعى وتەپوۆ كوشەسىنىڭ بويىندا ورنالاسقان ون قاباتتى ءۇيدىڭ ورتكە ورانعانى تۋرالى حابار كەلىپ ءتۇستى. ءبىرىنشى ءورت ءسوندىرۋ قىزمەتكەرلەرى ساعات 21:51-دە جەتكەن. سول كەزدە قىزمەتكەرلەر ءۇشىنشى جانە سەگىزىنشى قاباتتار اراسىنداعى ەلەكتر شاحتالارىنان ءورت شىعىپ جاتقانىن بايقادى"، - دەدى ق ر ءىىم توتەنشە جاعدايلار كوميتەتىنىڭ باسپا ءسوز قىزمەتى.

ءورت سوندىرۋشىلەر ەڭ الدىمەن 26 ادامدى زالالسىزداندىردى. ونىڭ 8ء-ى بالالار. 6 ادام، ونىڭ ىشىندە بىرەۋى بالا، قىزمەتكەرلەر كومەگىمەن قۇتقارىلدى. ەكەۋى ونىنشى قاباتتان اۆتوباسپالداقپەن تۇسىرىلسە، قالعاندارى ءۇي ىشىندەگى ساتىمەن تۇسكەن.

قولدانعان شارالاردىڭ وڭ ناتيجە بەرۋىنىڭ ارقاسىندا قىزمەتكەرلەر ون قاباتتى شارپىعان جالىندى 22:26 شاماسىندا اۋىزدىقتادى.

ءورتتى سوندىرۋگە شقو توتەنشە جاعدايلار دەپارتامەنتىنىڭ 19 قىزمەتكەرى مەن 6 تەحنيكاسى جۇمىلدىرىلعان.