تۇركىستان وبلىسىنىڭ اكىمدىگى "بوگەن" سۋ قويماسىنان تۇسىرىلگەن بەينەجازبا جاريالادى دەپ حابارلايدى Qamshy.kz اقپارات اگەنتتىگى. وسىعان دەيىن، الەۋمەتتىك جەلىلەردە سۋ قويماسىنان كەلەتىن قاتەر تۋرالى، ارىس قالاسىن سۋ باسۋ ءقاۋپى تۋرالى اقپارات تاراعان بولاتىن.
اتالمىش بەينەجازبانى تۇركىستان وبلىسى اۋىل شارۋاشىلىق باسقارماسىنىڭ باسشىسى نۇربەك بادىراقوۆ تۇسىرگەن.
"سوڭعى جاعدايلارعا بايلانىستى ايتار بولسام، "بوگەن" سۋ قويماسىنا قاتىستى تاراعان قاۋەسەتتەرگە بايلانىستى ءتۇسىرىلىم جاساپ وتىرمىز. "بوگەن" سۋ قويماسىندا بارلىعى تىنىش، ءبىرقالىپتى جۇمىس جاسالىنىپ جاتىر. ارىس-تۇركىستان ماگيسترال كانالىنان شارۋالاردى اعىن سۋمەن قامتاماسىز ەتۋ ماقساتىندا 47 م/س جىلدامدىقپەن سۋ بوساتىلىپ جاتىر. "بوگەن" سۋ قويماسىنان كەلەتىن ەشقانداي ءقاۋىپ جوق"، - دەلىنگەن بەينەجازبادا.
پىكىر قالدىرۋ