قازاقستان پرەزيدەنتى قاسىم-جومارت توقايەۆ ءوزىنىڭ ءبىر كۇندىك ەڭبەك اقىسىن جارىلىستان زارداپ شەككەندەرگە كومەك بەرۋ قورىنا اۋداردى Qamshy.kz اقپارات اگەنتتىگى. بۇل تۋرالى مەملەكەت باسشىسى باسپا ءسوز قىزمەتىنىڭ جەتەكشىسى بەرىك ءۋالي Facebook جەلىسىندەگى پاراقشاسىندا جازدى.
"ارىستاعى توتەنشە جاعداي قازاقستاندىقتاردى بەي-جاي قالدىرمادى. ەل باسىنا تۇسكەن اۋىرتپاشىلىقتان ەشكىم شەت قالعان جوق. مەملەكەت باسشىسى قاسىم-جومارت توقايەۆ ءوزىنىڭ ءبىر كۇندىك ەڭبەك اقىسىن جارىلىستان زارداپ شەككەندەرگە كومەك بەرۋ قورىنا اۋداردى"، - دەپ جازدى بەرىك ءۋالي. ونىڭ ايتۋىنشا، پرەزيدەنت اكىمشىلىگىنىڭ قىزمەتكەرلەرى دە قاسىم-جومارت كەمەل ۇلىنىڭ بۇل باستاماسىن قولداپ، كومەك بەرۋگە قوسىلعان.
پىكىر قالدىرۋ